Асосий мавзулар
20 август 2021

Ҳуқуқи учун курашган оҳангаронлик тадбиркор руҳий касал деб топилди

Жорий йилнинг 5 августида Олий суднинг судлов ҳайъати Ўзбекистон фуқароси Давид Багманянни руҳий носоғлом деб топиш тўғрисида аввал қабул қилинган суд қарорларини тасдиқлади. 

”Бир сўз билан айтганда, бизда ошкораликни, ҳақиқатни гапирган одамни ёқтиришмайди”, дейди суд қароридан норози тадбиркор.

Оҳангаронлик 42 ёшли тадбиркор Давид Багманян ҳали ҳам ўз бошига тушган бу кўргиликларга ишонмаслигини айтади.

“Баъзан ҳатто эрталаб уйғонаркан, ҳаммаси тушда рўй бергандай туюлади. 2019 йилнинг 23 апрелида мен Оҳангарон ШИИБ томонидан ушландим. Мени ШИИБга таклиф қилишди. Бўлим бошлиғи ўринбосари Назаров Сафар менга нисбатан руҳий шифохонага мажбурий даволаниш учун ётқизиш ҳақида ажрим борлигини билдирди.

Мен аввал агар бу талабни рад қилсам нима бўлишини сўрадим. “У ҳолда сизга нисбатан куч ишлатишга мажбур бўламиз, қўлингизга кишан соламиз”, деди, Мен қаршилик кўрсатишдан маъно йўқлигини тушундим”, дея ҳикоя қилади Багманян.

Шу тарзда уни участка нозири 2019 йилнинг апрель ойида Тошкентнинг Сергели туманидаги республика руҳий касалликлар шифохонасига олиб боради. Касалхона атрофи темир панжаралар билан ҳимояланган, 1-ёпиқ бўлимида уни 30 кун сақлашади. 

Давид Багманянни оғир руҳий касал деб тан олиш тўғрисидаги ариза туман судига 2019 йил февраль ойида Оҳангарон шаҳри ҳокимлиги томонидан берилган ва маҳалла раиси Муталов томонидан қўллаб-қувватланган. 

Муталов ўз аризасида Багманянни: «Қўпол одам, ўз ота-онасига қулоқ солмайди, давлатнинг ижтимоий- иқтисодий ривожланишидан норози бўлгани боис аҳоли орасида салбий кайфият яратади», дея таърифлаган.

Суд қарорида, шунингдек, Багманянни руҳий носоғлом деб тан олишнинг ҳақиқий сабаби ҳам кўрсатилган – 2018 йил февралидан то шу кунгача тадбиркор президент қабулхонасига 54 та мурожаат ёзиб, Оҳангарон ҳокимлиги мулозимлари ҳаракатларидан шикоят қилган. 

Давид бузилган мулк учун товон тўлашни талаб қилиб, кўплаб шикоятлар ёзганини инкор этмайди. 2018 йилда Оҳангарон шаҳри ҳокимлиги унинг оиласига тегишли иккита турар жой биноси ва дўконини бузишга қарор қилди. Багманяннинг сўзларига кўра, унга вайрон қилинган мулки учун ҳеч қандай компенсация тўланмаган. 

Ҳокимлик Багманяннинг «ўз мулки бузилиши» билан боғлиқ шикоятларини «асоссиз шикоятлар ва туҳмат», дея ҳисоблайди ва Багманян «жамиятда асабий ва носоғлом муҳит яратади»,  дея иддао қилади.  Афтидан, ҳокимликнинг Багманяннинг лаёқатсиз деб топилишини талаб қилиши унинг мажбурий тарзда руҳий даволанишга юборилишига асос бўлган. 

Шу йилнинг майида президент Мирзиёев психиатрия ёрдами тўғрисида янги фармонни имзолаган эди, бироқ бу фармон ҳам Давид Багманян тақдирида ҳеч нарсани ўзгартирмади.

Eltuz.com

Тағин ўқинг
24 август 2018
Рашид Қодиров даврида шаклланган прокурорлар ҳали от устида ва улар узоққа борадиган кўринади. Улар узоқ йиллардан буён қўллаб келаётган ...
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг Оила халқаро кунига бағишлаб ...
30 ноябр 2020
Президент Шавкат Мирзиёевнинг тиббиёт тизимини тубдан қайта қуришга қаратилган топшириғи ортидан ҳали касбини тўлиқ эгаллаб улгурмаган талабалар гўёки амалиёт ...
7 ноябр 2016
Айрим сиёсий партияларнинг нашрлари сиёсий ҳушёрликнинг ёрқин намунасини намоён этди. «Адолат» партиясининг шу номдаги газетаси (4.11) илк саҳифасини сайловчиларни ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...