Асосий мавзулар
20 январ 2023

EP55: Товуқхонаси тортиб олинган фермер, совуқ қиш ва газ танқислиги

Элтуз порталига келган навбатдаги 5 та шикоятни ўқиб эшиттирамиз. Дастлабки шикоят Хоразм вилоятининг Шовот туманидан. Паррандачиликка ихтисослашган ферма эгаси Муяссар Абдуллаева бир неча йил аввал ўзига тегишли бўлган бостирма ва омборхона бинолари ноқонуний тортиб олингани, бугунги кунда эса суд ва прокуратура идоралари эшигида сарсон бўлаётганини айтмоқда.

Биноларимизни ноҳақ тортиб олишди
(видео мурожаат)

Газ идораси ходимлари дам олиш кунлари ҳам ишламоқда

«Қашқадарё вилояти Деҳқонобод Тумангаз ташкилоти ишчи ҳодимларини шанба – якшанба кунлари ҳам мажбурий ишлатиб келмоқда. Аммо иш ҳақига келсак ўзгариш бўлмайди, ишбай асосида тўғри тақсимот йўқ, раҳбарлар хоҳлаган ишини қилади. Оддий ишчилар эзилмоқда, бу ноҳақликнинг ечими борми кимдан ёрдам кутайлик?»

Бухородаги «масхарабозлик»

«Бухоро вилояти Вобкент туманида пахта тўқимачилик кластери ҳомийлик қилди деб кам таъминланган аҳолига кундалик озиқ овқат тарқатилди. Ҳаражатлар фермерлардан 160 минг сўмдан нақд териб олинди, ана масхарабозлик«

Газ ҳам чироқ ҳам ўчаяпти

“Қашқадарё вилояти Қарши шаҳри Сарой Ферон кўчасидан мурожаат йўллаяпмиз. Газ ўчиб қолди. Аҳолини огоҳлантирмасдан чироқни ҳам соатлаб ўчиришяпти. Трансформаторлар ёз бўйи қаровсиз ётди. Маҳалла ва электр корхонаси қишга аввалдан тайёргарлик кўрса бўлар эди-ку!
Газ ўчгач, эски қувурни яна ямашди. Янги қувур қўйишса яхши бўларди. Газ ўйнашидан уйимизда печка ёниб кетди. Уйимиз ҳам ёниб кетишига бир бахя қолди. Мутасаддилар ҳолатни назоратга олишини сўраймиз”.

Тошкентнинг музлаган кўчалари

“Тошкентнинг Лабзак даҳаси Зулфияхоним кўчасидан мурожаат қиляпман. Катта йўл қордан яхши тозаланмади. Пиёдалар йўлагида ҳам қор уюлиб ётибди. Ички ҳовлиларда яхмалак ҳосил бўлган. Аҳоли, айниқса, қариялар қийналяпти. Қор оғирлигидан айрим дарахтлар синиб кетди. Кўп қаватли уй томларида катта-катта сумалаклар ҳосил бўлган. Худо кўрсатмасин, бировнинг бошига тушса фожиа рўй бериши мумкин. Одамлар ҳушёр бўлиб юрсин. Коммунал хизматлар ҳолат бўйича амалий ёрдам берса яхши бўларди.

ЕХҲТ идораси қаршисидаги пиёдалар йўлаги светофорида тугма қўйилмаган. Бу ерда пиёдалар аварияга учраши ҳам кузатилмоқда. йўл ҳаракати хавфсизлиги вазиятни назоратга олишини сўраб қоламиз”.

@eltuz

Тағин ўқинг
23 феврал 2016
Собиқ ҳарбий, истеъфодаги кекса подполковник, 77 ёшли Ботир Шерматович Тошмуҳаммедов 1976 йилдан буён мудофаа кучларига қарашли икки хонали уйида ...
24 декабр 2015
Улуғбек Ашур, Eltuz.com Расмий ОАВ томонидан ёритилмаган ушбу тақдимот маросими Ўзбекистон пойтахтининг хашаматли “Наврўз” ресторанида бўлиб ўтди. Маросимга таклиф ...
25 сентябр 2023
Жонибек деган овқат элтувчининг АҚШда клиент хотинниг эмчагини эзғилагани учун қамалиб, 20 минг дўллар иштрап тўлагани ҳақида ëздим. Тагидаги ...
29 декабр 2019
«Каримов даврида ҳамма дарахтлар кесилиб кетибди. Ит йилида кесишга арча ҳам қолмабди». Ўзбекистондаги кўплаб тарихий хиёбонларга қирон келтирган президент ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...