Асосий мавзулар
25 март 2024

Турк маҳкамаси ўзбек хотининг эрига тухматини фош қилди

Туркиянинг Denizli Honaz’ида яшаган 3 боланинг отаси 59 яшар пенсиядаги фермер Рамазон Оқбой (Ramazan Akbay) бундан тўрт йил олдин хотини ўлиб ëлғиз қолганди.

Дойим ëлғиз қолмасин деган жияни унга Ўзбекистондан хотин топиб беришга азму қарор қилди.

Ўзбек хотинлари интернетнинг эр қидиряпман деган саҳифасини тўлдириб ташашганини кўрган Рамазон амаки ҳавасланди.

Танлаб шорт лист қилишди. Ва ниҳоят 39 ëшли Зулхинур исмли жувонда тўхташди. Ўзбекистонлик Зулхинур Рамазон акага эрга тегишга рози бўлди.

2023 йилнинг 18 июлида Зулхинур Рамазаон аканинг уйига келиб жойлашди.

Элтуз кўрган видеода Зулхинур машинадан тушиб Рамазаон ака билан апоқ-чапоқ бўлиб ҳовлидан хонага кириб кетади.

Икки кундан кейин Зулхинур уйдан ҳеч бир нарса олмасдан ялангоëқ қочиб кетади.

Олдин духтирга бориб, эрим аъзойи баданимни уриб кўкартирди, деб, справка олади.

Кейин шу справка билан полицияга бориб шикоят қилади. Зулхунур қўлидаги справкада унинг танасида 50 дан зиëд кўкарган жой борлиги ëзилиб фотолар илова қилинган.

21 июл куни Рамазон Оқбойнинг қўлига кишан солиб ичкарига апкириб қўйишади.

Рамазон амаки одамни қулликда сақлаш, калтаклаш ва унинг истагига зид ҳолда жинсий алоқа қилиш каби жазо қонунининг моддалари билан айбланди. Бу айблар исботини топса, Рамазан амаки 45 йилга қамалиши керак эди.

Рамазон ака бу айбларни рад қилди.

Туркияда судлар тошбақа каби секин юради. 2024 йилнинг 8 февралида бўлиб ўтган маҳкамада Рамазон аканинг адвокати Салим Қутлитурк (Salim Kutlutürk,) Зулхинур олган справкани шубҳа остига олди.

Қайтадан қилинган тиббий хулосага кўра, Зулхинур танасидаги кўкарган жойлар Рамазон аканинг уйига келишидан олдин еган калтаклардан ҳосил бўлгани аниқланди.

Калтакдан кейин кўкариб, мўматолоқ бўлиши учун камида 2 кун лозим.

Зулхинур эса шантаж мақсадида бу ишни қилгани, аслида уни Мама рўзалар калтаклаттирганини айтиб йиғлаб саннади.

«Мен ундан бешта олтин билагузук ва битта айфон оберсанг тинч қўяман дедим. Аммо у кўнмади,» деди ўзбек хотин.

Ҳакамлар ҳайъати Рамазон акани суд залидан озод қилди.

Туркия газеталари «Ëлғончи келин» деган мақолалар чиқарди.

«Олти ярим ой бир хотиннинг туҳмати билан бекорга қамағда ўтирдим» дейди Рамазон амаки.

Рамазон амаки Зулхинурга қарши даъво очмади. «Даф бўлиб кетсин¸ худо жазосини берсин» деди.

Шунақа гаплар азизлар. Қиссадан ҳиссани ўзингиз чиғоринг. Элтуз каналига обуна бўлинг. Рахмат тугмачасини босиб каналимизни қўллаб қувватланг.

Тағин ўқинг
25 август 2016
Ўзбекистондаги барча нашрларда спортчиларимизнинг Риодаги Олимпиададан Ватанга қайтиб келишига бағишланган мақолалар эълон қилинди. Албатта, Ўзбекистон спортчиларининг Олимпиададаги ғалабалари халқимизни ...
17 декабр 2023
Рассом Туз
21 август 2019
“Бу мактубни сизга ëзаëтган пайтимда хоразмлик адабиëт ихлосмандлари вилоят ИИБ биноси олдида норозилик пикети ўтказиб турибди. Уларнинг талаби ўта ...
24 март 2018
Сил (туберкулёз) касаллигига қарши кураш халқаро куни Жаҳон соғлиқни сақлаш ташкилоти ташаббуси билан ҳар йили нишонланадиган эсдалик санадир. Бу ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...