Асосий мавзулар
25 март 2024

Қандаҳорда худкуш ўзбек ўзини портлатди

Ўзбекистонлик худкуш ҳужумчи ўзини Қандахордаги Банк яқинида портлатиб юборгани ҳақида Россия нашрлари хабар бермоқда.

Асли ўзбекистонлик худкуш-террорчи Асадбек Мадияров 21-март куни Афғонистон жанубидаги Қандаҳор шаҳрида жойлашган New Kabul Bank филиали ўнгида ўзини портлатиб юборган. Портлаш оқибатида  27 киши ҳалок бўлди,  43 киши яраланди. Қурбонларнинг аксари банк қўриқчилари ва давлат хизматчилари эди.

Расмийларнинг айтишича, портлаш Исломий Давлат террорчи ташкилоти томонидан режалаштирилган. 

Теракт ижрочиси,  асли ўзбекистонлик Асадбек Мадияров бир неча йил Россияда яшаган ва Санкт-Петербургдаги таълим муассасасини тамомлаган.

Атиги уч йил аввал Ўзбекистонга қайтган. У Россияда радикаллашган бўлиши мумкинлиги тахмин қилинмоқда.

Кейинги кунларда ИШИД ташкилоти бўлинмаларининг Ўзбекистонга ҳуружи ортгани кузатилмоқда.

Бундан бир неча соат олдин Элтуз Қурилиш вазирлиги сайти ИШИД хакерлари ҳужумига учрагани ҳақида хабар берган эди.

26 мартга ўтар кечаси соат 24.00 атрофида, Ўзбекистон Республикаси Қурилиш  вазирлигининг «Улуш киритиш асосида уй-жой қуриш» миллий ахборот тизими ИШИД жангарилари томонидан бузилган.

Сайтнинг бош саҳифасида араб тилида «Сизнинг тизимингиз ИШИД томонидан бузилган. Биз шу ердамиз» дея ёзув қолдирилган. Матн остида ИШИД ташкилотининг ватсап манзили кўрсатилган.

Террорчи ташкилот эълони, Элтуз кейинги материални эфирга тайёрлаётган айни дамларда ҳам ҳамон Ўзбекистон ҳукуматига тегишли сайт бош саҳифасида осиғлиқ турибди.

Воқеа Элтуз ИШИДнинг Ўзбекистонга ҳуружи ҳақида таҳлилий материал тайёрлаётган бир вақтга тўғри келгани ҳам парадокс ҳолатдир.

Элтуз радикал диний экстремистик кучлар фаолиятига оид таҳлилини давом эттиради. Каналимизга обуна бўлинг, лайк босинг, рахмат тугмачасини босиб қўллаб қувватланг.

Тағин ўқинг
5 март 2021
Ўзбекистон президенти давлат хавфсизлик хизмати (ПДХХ) раҳбари ўринбосари, 36 ёшли Отабек Умаровнинг аварияда мажақланган икки оëғи 4 март куни ...
12 апрел 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Хоразм вилоятининг Шовот, Жиззах вилоятининг дўстлик, ...
24 март 2023
Мана хафта чархпалаги айланиб яна сиз қора кўзлар билан биргаман. Тоғ тоғ билан учрашмайди.   МС: Одом одом билан учрашади. ...
30 март 2020
(Эпистоляр эссе) Марҳабога Кўпинча адабий муҳитдан чарчаганимда сенга сим қоқаман. Балки опамдек яқиним бўлганинг учундир ёки инжиқлигимни кўтарадиган иккита ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...