Асосий мавзулар
26 май 2024

55 миллиард сўм қаерга сарфланди, Беҳзод Мусаев?

Шу йилнинг январь ойида Камбағалликни қисқартириш ва бандлик вазирлиги янги, замонавий ва фойдаланишга тайёр бўлган бинони (муқаддам GM компаниясига тегишли бўлган, манзил: Миробод тумани, Нукус кўч, 8-уй) аввал қайта таъмирдан чиқариб, сўнгра кўчган. 

Камбағалликни қисқартириш ва бандлик вазири жаноб Беҳзод Мусаев ушбу бинони таъмирлашга бюджетнинг 55 миллиард сўмини сарфлаган.

Таъмирлаш ишлари тендерсиз “MARROFF BUILDING COMPANI” МЧЖга топширилган.

Ширкат Наманган шаҳри, “Орзу” МФЙ, Ижокорлар кўчаси 10 уйда жойлашган, ИНН рақами: 307 384 166, раҳбари: Юнусов Жобирхон Ғофуржонович, таъсисичиси Иномов Мирабдулла Маъруфхонович.

Ўзбекистонда кенг қўлланилувчи коррупцион схемага кўра, давлат реконструкция ва қурилиш ишларига сарфланадиган ҳаражатлар аслидан анча юқори нархда кўрсатилади. Бундай схемалар бюджетдан ажратилган сумманинг салмоқли улушини талон-торож қилиш имконини беради.

Каримов иқтидорда экан йирик иқтисодий жиноятлар ва мансаб ваколатларини суиистеъмол қилишда айбланган Беҳзод Мусаев жазодан қочиб, ғарб давлатларидан бирида бошпана олганди.

Абдулла Арипов ҳукумати пайтида у яна Ўзбекистонга қайтди ва Бош вазирнинг ижтимоий ривожланиш масалалари бўйича ўринбосари ҳамда Соғлиқни сақлаш вазири лавозимларида фаолият юритди.

Унинг Соғлиқни сақлашдаги фаолияти, ўта фоижали воқеа билан эсда қолди.

“ДОК-1 Макс сиропи” кимга нимани эслатади?

Болаларнинг заҳарланиши натижада 69 нафар гўдак ҳалок бўлди ва 16-нафар бола бир умрга ногирон бўлиб қолди.

Натижада 20 нафардан кўпроқ масъул шахслар жавобгарликка тортилди. Улар орасида Беҳзод Мусаев йўқ эди албатта.

У тинчгина нафақага чиқиб, ўзининг “INTERMED” шахсий лабараторияларини юргизса маъқул эди. Аммо унга Камбағалликни қисқартириш ва бандлик вазирлигига раҳбарлик қилиш ишониб топширилди.

Бу сафар вазир жаноблари 55 млрд сўмнинг таъмирлаш ишларига қандай сарфлангани борасида нима деркин? Расмий жавобни кутиб қоламиз.

Тағин ўқинг
16 январ 2022
Ўзбекистондаги ҳар бир мулозимнинг ичида битта шоир, ҳар бир шоирнинг ичида битта мулозим яшайди. Бу яхшими ëмонми, билмайман. Шавкат ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  Бу айблов қанчалик тўғри ...
21 август 2018
Ҳукуматнинг кўнгилочар масканларга рейдлари ортидан ўзбек матбуотида «тунги клублар»ларни ёмонотлиқ қилиш авж олди. Айни тенденциядаги кўрсатувларни «Ёшлар» телеканали узатди. ...
5 ноябр 2023
Андижон вилоятидаги Мурувват уйида тарбияланаётган болаларнинг калтакланганлиги юзасидан суриштирув бошланди. 4 ноябрь куни Элтузнинг телеграм каналида Қўрғонтепадаги Мурувват уйида ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...