10 декабр — Инсон ҳуқуқлари куни

Ўз фаолиятлари учун бугун таъқиб қилинаётган ўзбек ҳуқуқ ҳимоячилари Дмитрий Тихонов ва Ўктам Пардаев. Ўзбекистонда Инсон ҳуқуқлари Декларацияси қадриятлари учун курашган ҳуқуқ ҳимоячилари муттасил таъқиб қилинади

Ҳар йили 10 декабр Инсон ҳуқуқлари куни сифатида нишонланади. Айни шу куни 1948 йил – тарихий аҳамиятга молик ҳужжат Умумжахон Инсон ҳуқуқлари декларацияси қабул қилинди ва унда инсон қадр қимматига оид барча тушунчалар муҳрланди.

Шу кунга бағишланган баёнотида БМТ Олий комиссари Зейд Раад аль Хусейн: «Бу кун биз, дунё озодликнинг аҳамияти ҳақида ўйлашини истаймиз. Озодлик бу – ҳуқуқларимиз кафолати ва ҳимоясига йўналтирилган инсон ҳуқуқлари, нормалари ва ҳолатлари каби ҳалқаро ҳуқуқлар негизида ётувчи идеалдир. Ушбу ҳужжатларда белгиланган эркинликлар, ҳар бир туғилган инсонга мансуб тарзда универсалдир. Улар дунёнинг ҳар қандай нуқтасидаги ҳар қандай шахсга тааллуқлидир. Анъаналар ёки маданий нормалар бу эркинликлардан маҳрум этишга асос бўла олмайди. Бу эркинликлар негизини: қўрқувдан эркинлик, муҳтожликлардан эркинлик, сўз ва фикр, виждон ва дин эркинликлари ташкил этади».

Инсон ҳуқуқлари Умумжаҳон декларацияси – Ўзбекистон мустақилликка эришганидан сўнг имзолаган илк халқаро ҳужжатдир.

Шунга қарамай, халқаро ҳуқуқ ҳимоя ташкилотларининг ҳуқуқ ва эркинликлар ҳолати бўйича рейтингига кўра, Ўзбекистон, Туркманистон, Зимбабве ва Шимолий Корея қаторидаги энг ёмон кўрсаткичларни эгаллаб келади.

Eltuz.com

Facebook orqali izoh qoldirish
Изоҳсиз

Изоҳ қолдириш

Кун иқтибоси

Хамма жим ўтирди. МХХдан келган мактуб эса худди суд ҳукми каби ўқиб берилди. Одамни этини жунжуктирадиган жиноятлар бирма бир санаб ўтилди ва Фурқат, Акмал, Арамаис, Темур ва Дилшод деган болалар ана шу жиноятларни ижрочиси деб айтишди

Имейл орқали обуна бўлиш

Мақолаларимизни доимий олиб туриш учун электрон почтангизни ёзинг.