Асосий мавзулар
25 май 2018

25 май – Йўқолган болалар халқаро куни

Бугун Ўзбекистон бўйлаб барча мактабларда ўқувчиларининг битирув кечалари ўрнига, президент Мирзиёев ўгитларини ёдлаш тадбирлари ўтказилди, бироқ шу куни уйига қайтиб келмаган ўқувчилар ҳақида ҳеч нарса айтилмади.

2010 йилда 25 май санаси National Center for Missing and Exploited Childrenэ – NCMEC ташкилоти ташаббуси билан Йўқолган болалар халқаро куни сифатида белгиланди.

Болалар жамиятнинг энг ҳимояга муҳтож, энг заиф заиф қатлами саналади. Одам савдоси ва инсон аъзолари ноқонуний трансплантацияси билан боғлиқ жиноят болаларни ҳам ўз домига тортаётгани эса энг даҳшатли ҳодисадир.

Ўзбекистонда болалар йўқолмайдими?

Шу пайтгача Ўзбекистонда йўқолган болалар сони тўғрисида расмий маълумотлар йўқ. Ўзбек матбуотида бола йўқолганига оид эълон берилгач, боланинг кейинги тақдирини суриштириш анъанаси ҳам тажрибада деярли қўлланилмайди.

Бироқ кейинги кунларда болаларнинг йўқолиши ва ундан ҳам даҳшатли воқеалар тез-тез қулоққа чалинмоқда. Масалан, 2018 йилнинг мартида Қувасой ички ишлар бошқармаси 2 яшар Муҳаммадсодиқ Нўъмонжоновнинг йўқолгани ҳақида хабар берган эди.

Шу йилнинг февраль ойида эса Фарғона вилоятининг Олтиариқ туманида 5 яшар Кибриёхон исмли қизча ўғирланган, кейинчалик унинг жонсиз жасади у борадиган боғчадан 8 километр наридаги Оқбўйра қишлоғидан топилган эди.

rasm1472Интернетдаги қидирув тизимлари орқали шуларнинг бири 2016 йилнинг 10 апрелида чоп этилган экан.

DIQQAT, OGOH BO’LING!!! Hurmatli do’stlar, sizlar quyida ko’rib turgan shiringina qizaloq Andijon viloyati Asaka shfhrida istiqomat qilar edi. Endigina 1-sinfga qadam qo’ygan edi. Kimlardir tomonidan o’g’irlab ketilgan yoki bedarak yo’qolgan. Kimda kim shu qizaloqni ko’rgan yoki qanaqadir shunga o’shash ma’lumotga ega bo’lsa, rasm tagidagi telefon raqamiga yoki yaqin o’rtadagi ichki ishlar bo’limiga xabar berishlari so’raladi. Qadrdonlar bir birimizga e’tiborli bo’laylik, zero har bir bola bizning farzandlarimiz, bizning kelajagimiz. (фото)

Бу қизалоқ ҳақида деярли барча ижтимоий тармоқларда хабар тарқалди.

Бироқ Асака шаҳридаги 55-мактабининг 1-синфда таълим олган ва 6 апрель куни мактабдан чиқиб кетиб уйига бормаган Ёқутхон Рустамжонованинг тақдири ҳалигача номаълум.

Ўтган йилнинг сентябрь ойида эса Eltuz.com Андижон вилоятининг Марҳамат туманида икки нафар 1-синф ўқувчиси “Нексия” автомобилида олиб қочиб кетилганлигини хабар қилган эди.

Шунингдек, 2015 йилнинг март ойида Андижон вилояти Шаҳрихон туманида 8 яшар Нодирбек Йўлдошев бедарак йўқолгани ҳақида хабар тарқалди.

Тошкент вилоятининг Чирчиқ шаҳрида ҳам Шоҳрўз исмли бола йўқолиб қолганлиги  ҳақида “Озодлик” радиоси ички ишлар бошқармасидан иқтибос келтириб хабар берди.

rasm718
Eltuz.com нашри илгари ҳам ўз болаларини сотишга уриниш иллатини қоралаб чиққан эди.

Қарши шаҳрида истиқомат қилувчи икки ёшли Сўғдиёна Салимова ҳам йўқолган болалар рўйхатига тушган.

Бундан ташқари, Тошкент шаҳрининг Сергели даҳасида ҳам йўқолган бола ҳақидаги маълумотлар  ижтимоий тармоқларда кўп баҳс-мунозарага сабаб бўлди.

Бухоронинг Когон туманида 11 яшар қизалоқнинг жасади топилганлиги ҳақида ҳам хабарлар берилган.

Бу ҳодиса Бухорода “болаларни ички аъзоларини олиб-сотиш билан шуғулланувчи жиноий тўда пайдо бўлганлиги ҳақида”ги миш-мишлар тарқалишига сабаб бўлган.

Булар кейинги икки-уч йилда Ўзбекистонда йўқолган болалар ҳақидаги ижтимоий тармоқда пайдо бўлган хабарларнинг айримлари, холос. Биз Ўзбекистонда йўқолган болаларнинг кейинги тақдири ҳақида ҳеч нарса билмаймиз, аслида мамлакатда йўқолган ва йўқолаётган болалар сони бундан ҳам кўп бўлиши мумкин.

Насима Даврон қизи >
Eltuz.com

Тағин ўқинг
20 декабр 2017
«Элтуз» нашри 25 йилдан бери сургунда яшаëтган замонамиз қаҳрамони Муҳаммад Солиҳнинг 1977 йилда ëзган бадиҳасини эътиборингизга ҳавола қилади. Ўзбекистонннинг ...
6 март 2017
Алексей Навальнийнинг маълумотларига кўра, Дмитрий Медведевга алоқадор жамғармалар ҳисобига “камида 70 миллиард рус рубли ҳажмидаги маблағ ва мулк ўтказилган». ...
1 июн 2018
Бугун – 1 июнь, Халқаро болаларни ҳимоя қилиш куни муносабати билан Ўзбекистондаги барча ОАВларда материаллар эълон қилинади. Уларда бахтли ...
15 апрел 2017
15 апрел куни ёзувчи Нодир Норматовни таниқли рассомлар, ижодкорлар сўнгги йўлга кузатишди. Марҳум Тошкентдаги «Яланғоч ота» қабристонида дафн қилинди. ...
Блоглар
25 сентябр 2018
Бу йил баҳордаги йиғилишда фермерларга аччиқ қалампир экиш топширилди.  Бунга Ўзбекистон Вазирлар Маҳкамасининг 2018 йил 27 январдаги 62-сонли ...
24 сентябр 2018
Бугун 75 йиллик юбилейи баҳона Рауф Парфи номи эсланаркан, унинг асл шогирдлари билан бир қаторда, ...
24 сентябр 2018
Сўнгги кунларда Ўзбекистондаги пахта йиғим-терим мавсумига оид турли ОАВларда эълон қилинаётган хабарлар мамлакатда мажбурий меҳнат ...