Блоглар
3 июн 2016

Мамадали Маҳмудов ватанни тарк этмоқчи

30 май куни ёзувчи Мамадали Маҳмудовнинг уйига унинг руҳсатисиз, девор ошиб тушган шахсларнинг босими адибнинг кексайган 75 ёшида айни қарорга келишига сабаб бўлган.

Адибнинг айтишича, ҳужжат кўрсатмасдан, исмларини айтмасдан ўзларини газ идорасидан дея таништирган номаълум шахслар у яшаётган уйнинг деворидан ошиб тушиб, газ қувурларини кеса бошлашган.

“Ҳужжатларингизни кўрсатинг, эҳтимол ўғридирсиз? Исм-шарифларингизни айтинг?” дея талаб қилдим. Бироқ улар ўзларини таништиришдан, ҳужжатларини кўрсатишдан бош тортишди» – дейди адиб журналист Малохат Эшонқулова билан суҳбатда.

Тағин адибнинг билдиришича, 2016 йилга қадар газ ҳақини ойма-ой газ ҳақини тўлаб келган. Газ ходимлари газ ўлчагич ўрнатилмаган бошқа қўшнилари қолиб айнан унинг уйига бостириб киришган.

Аслида унинг ҳамон тириклиги, ёзувчи эканлиги учун унга қасд қилишмоқда ва у ватанни тарк этишга қарор берган.

«Гарчи Адибнинг мамлакатни тарк этишдек аламли қарор қабул қилишга ундовчи, мажбурловчи сабаблар сероб», – дея ёзади ўз блогида журналист Малохат Эшонқулова.

Погонли шахслар томонидан ёзувчининг Қирғизистон зиёратига боришига, кейинчалик эса Қозоғистонга боришига монелик кўрсатилгани, ёзган асарларининг босилмаётгани, турмада беҳисоб касалликлар орттиргани ва даволаниш эҳтиёжи борлигини ҳам санаш жоиз.

Ёзувчи Мамадали Маҳмудов (1940) 17 йил йил қамоқда бўлди ва 2013 йилнинг 19 апрелида озод этилди.

1999 йилнинг августида у Тошкентдаги феврал воқеаларига алоқадорликда ва Ўзбекистон Конституцион тузумига тажовузда айбланиб қамоққа олинди.

Мамадали Махмудовга қарши жиноий иш уйдирилиши сабаби унинг сиёсий фаолияти билан боғлиқ.

Ёзувчи террор актларига алоқаси йўқлиги ва «Эрк» партияси раиси Муҳаммад Солиҳнинг дўсти бўлгани учун унга қасд қилиб қамоққа олишгани ва тергов пайтида унга қийноқлар қўлланилганини айтиб келади.

Қамоққа олингунига қадар у Ўзбекистон Маданият Жамғармаси раиси лавозимида бўлган.

Адибга моддий кўмак кўрсатишни истовчилар, қуйидаги манзил орқали таҳририятимизга ёзишлари мумкин: eltuz2015@gmail.com

Eltuz.com

Тағин ўқинг
11 феврал 2017
Халқаро меҳнат ташкилоти (ХМТ) 2016 йилги пахта йиғим-терими мавсумида болалар меҳнати ва мажбурий меҳнат мониторинги якунларига оид ҳисоботини эълон ...
8 январ 2017
“Истанбул хавфсизлик идораси бу исқиртни “ўзбек” деб айтди, бундан олдин қирғиз ва уйғур деган гапни айтган эди», дея ёзди ...
23 октябр 2017
Совет Ўзбекистонини узоқ йиллар бошқарган Шароф Рашидов шахсига ҳар хил баҳо бериш мумкин. Кимдир уни республикани руслаштириш, пахта монополиясини ...
22 март 2016
Наврўз байрами муносабати билан қўшимча техника ва ҳарбийлар келтирилган Ўзбекистоннинг Қирғизистон чегарасида “сиëсий ҳарорат” туша бошлагани кузатилди. Томонлар Кербен-Ола ...
Блоглар
18 декабр 2017
«Пахтага борасан, дейишди. Агар бормасанг, аризангни ёз ёки ўрнингга одам жўнат, дейишди. Ўзимизнинг ишимиз қолиб, ...
16 декабр 2017
Бундан 31 йил олдин Совет раҳбарияти Олмаота ëшларининг исëнини шафқатсизларча бостирган эди. АҚШ конгресси кутубхонасига ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...