Блоглар
21 октябр 2015

Интернетсиз ўтган бир кун

Бир кун интернетсиз яшадим. Яшаса бўлар экану, аммо жуда қийин, жудаям қийин.

Кеча кечки пайт ишдан келиб ноутбукни ёқсам интернетга улана олмадим, антенна йўқ эди, техник носозлик бўлса керак.

Тўғрисини айтиш керак мен бечора тақдирнинг бундан кутилмаган зарбасига тайёр эмасдим. Бошида қайта-қайта уриниб кўрдим уланишга, ҳаракатларим бефойда кетди, кейин саросимага тушиб қолдим, худди қолган умрим давомида интернетсиз ўтиб кетадигандек. Кейин секин аста кўника бошладим бу мусибатга (ҳар ҳолда иродали инсонман).

Негадир ётиб ухласам бу мусибатни унутадигандек сездим ўзимни. Энди ухлашга ётаман деб тургандим ёнимдагилардан биттаси футбол борлигини эслатиб қўйди.

Неча йиллардан буён телевизор кўрмай қўйгандим, телевизор чанг босиб кетганди. Бир ўтмишни эслагим келиб телевизорни қўйдим (рости шу пайтгача телевизорим борлигини унутиб ҳам қўйган эканман). Кўп йиллардан буён биринчи марта футболни охиригача кўрдим, қизиқ бўлар экан («носталгия» деб қўйишармиди носпурушлар?).

Кейин сўнгги маротаба имнтернетга уланишга уриниб кўрдим (футбол кўриш давомида ҳам бу юмушни тўхтовсиз қайтариб тургандим), бўлмади барибир, ухлашга ётдим.

Эрталаб туриб биринчи қилган ишим яна текшириб кўриш бўлди, афсуски иложи бўлмади. Тушлик пайти ҳам бир бор уриниб кўрдим, бўлмади. Овқатланиб олгач ишга чиқиб кетишдан аввал сўнгги марта ҳаракат қилгандим кутилмаганда уланиб турибди-ю.

Энди ҳолатимни кўринг, на қувонишимни билмайман, на хафа бўлишимни. Интернетга уланганим билан вақтим йўқ, ноутбукни қайта ўчириб ишга чиқиб кетдим.

Кечгача вақт ўтиши жуда қийин бўлди. Хаёлимда интернет, ишқилиб яна йўқ бўлиб қолмаса бўлгани деган ҳадик ҳам йўқ эмас.

Ишдан келгач, текшириб кўрсам ҳаммаси жойида. Мана ҳозир телевизорда яна футбол бўлмоқда, менга нима қизиғи бор футболни?

Шу жойида Африканинг қаеридадир интернет етиб бормаган жойлари борлигини ўйлаб тинчлигимизга ва фаровонлигимизга шукур қилиб қўйдим.

Яшасин интернет!

Анвар Набиев,
Eltuz.com

Тағин ўқинг
2 сентябр 2016
Президент ўлимидан бир ҳафта ўтиб ҳам унинг тириклиги, соғлиғига дуода бўлишга чақириқлар тингани йўқ. Айни аюханнослар фонида Ислом Каримовнинг ...
19 декабр 2016
Бош вазир Абдулла Арипов етакчилигидаги комиссия «Халқ қабулхоналари»ни очиши лозимлиги айтилади президент Мирзиёевнинг фармойишида. Каримов анъаналари ортидан бораётган Мирзиёев ...
19 декабр 2016
Анқарадаги замонавий санъат галереясида рус фотосуратчиларининг «Россия турклар нигоҳида» кўргазмасининг очилиш маросимида ваъз ўқиëтган Россиянинг Туркиядаги элчиси Андрей Карлов ...
7 апрел 2016
Март ойида шундоқ ҳам ўйин-кулгидан бўшамайдиган Ўзбекистон телеканалларининг куни туғди. Бу ёғи 8 март, бу ёғи Наврўз билан бўлиб, ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...