Асосий мавзулар
8 июн 2017

Андижон автомобил бозорида машиналар нархи кўтарилди

Андижон Ҳусусий автомобиллар бозорида ҳам нархлар кескин кўтарилиб кетди.

GM Uzbekistan ширкати 31 май куни мамлакат ички бозорида автомобилларини миллий валюта – сўмга сотишини эълон қилган эди.

Машина нархларининг доллар курсига нисбатан эквивалентда белгиланиши ва оширилиши бозордаги эркин нархларнинг ҳам ўзгаришига сабаб бўлди.

Элтуз мухбирининг ўрганишича, Андижонда деярли ҳеч ким янги нархномада завод билан машина тўловини амалга ошираётгани йўқ.

Нархларни кузатаётган ҳаридорларнинг айтишича, тўлов сўмда амалга оширилган тақдирда ҳам “Малибу” ҳамда “Каптива” автомашиналари нархи уларга 3 баравар қимматга тушади.

Машинафурушларнинг омади чопди

Бозорда автомашина эҳтиёт қисмлари билан савдо қилувчи тадбиркор Ҳ. Азизовнинг айтишича, 7 мингга биров сўрамаган “Кобальт” автомашинасини 8 минг долларга сотган.

Машина ҳаридорлари илгаригидек 50-100 доллар устида талашиб ўтирмаяптилар.

«Бозорда биттаям мошина қолмади, 5,5 минг долларга сотилаётган янги “Спарк”лар 6,5 – 6,700 доллар бўпкетди», дейди тадбиркор.

“Матиз” бозорида ҳам шу аҳвол. 4 минг долларга сотилаётган “Матиз”лар 4800, 5000 долларга сотилди. 2-3 ойдан бери машинафурушларнинг қўлида турган автомашиналар бир зумда сотилиб кетди.

Андижон автомобиль бозори шаҳар чеккасидаги Боғишамол ҳудудида жойлашган. Бу ерда хафтанинг икки куни – жума ва якшанба кунлари бозор бўлади. Нархлар эълон қилинганидан бери бир бозор ўтди.

Харидорларнинг айтишларича, машинафурушларнинг оғзи қулоғида. Кейинги 1 йилнинг буёғида автомобиль бозорида бунақа “ўт” савдо кузатилмаётганди.

Ҳаридорлар эса норози

Кўпчилик автомобиллар нархининг оширилиши қандай омилларга асослангани юзасидан ҳукумат ва “Ўзавтосаноатдан” жавоб кутмоқда.

«Ўзбекистонликлар бож тўловлари ўта баландлиги туфайли чет давлатдан мошина олиб келиб минолмайди, гарчи, ён қўшни бўлган давлатларда ҳам автоулов биздагидан анча арзон». – дейди бозордан арзонроқ автомобил излаётган Салоҳиддин Тожиев.

Унинг сўзларига кўра, аҳоли ноиложликдан ўзимизда ишлаб чиқарилган автомобилларни сотиб олаётганди, аммо энди кўпчилик бу имкониятдан ҳам маҳрум бўлмоқда.

Машина бозоридаги Ҳабибулло исмли машинафуруш «GM Uzbekistan ширкати ўз нархларини бозор нархи билан тенглаштирганини айтади.

«Одамларга фарқи йўқ, заводга тўлайдими ё бозорга. Доллар курси эса кўтарилиб боряпти. Мана бугун 100 доллар 840 минг сўмга чиқди. Сўмда сотадиган бўлса, нега унда доллар нархини ёзади. Янги нархларни кўриб ҳамма одамларнинг кайфиятлари тушиб, жиғибийрон бўляптида» дейди у.

Шоҳида Саидова
Андижонлик муаллиф таҳаллуси
Eltuz.com

Тағин ўқинг
13 июл 2018
Наманган муҳандислик технология институтининг собиқ домласи, талабалари томонидан калтакланганини айтаётган Сирожиддин Ашуров жиноятчилар тегишли жазони олишида президентдан нажот кутмоқда. ...
9 октябр 2017
Мажбурий меҳнатни тақиқлаш мавзусида гап кетганда, ҳукуматнинг бу борадаги иккиюзламачилигини кўпчилик ўзини ўзи алдашга ўхшатяпти. Ўзини ўзи алдаш деганда ...
10 ноябр 2016
Ўзбекистондаги партиялар ўз номзодларига тарафдорлар учун кураш бошларкан, хатто айримларда Мирзиёевга муқобил номзодларнинг хам ютиши мумкинлигига заиф бир умид ...
18 октябр 2017
Бу йил теримга Ўқитувчи ва шифокорлар поездларда сафарбар қилинмоқда. Андижон, Наманган, Фарғона вилоятларидан минглаб теримчилар минган поездлар Қорақалпоғистон ва ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...