Кундалик
24 май 2016

Сўнгги қўнғироқ ва ҳамма пахта чопиғига

Ўқув машғулотларидан эндигина қутилган, бироқ чопиқ деган даҳмазага тутилган фарғоналик муаллималарни, тағин яқиндагина Универсиада спорт тадбирлари ўтган майдонларни тозалашга ҳам сафарбар этишмоқда.

Вилоятдаги турли тадбирлар олдидан кўча тозалаш, пахта терими ёки ғўза чопиғига чиқариладиганлар ўқитувчию дўхтирлар бўлиб қолди.

Бироқ шунда ҳам уларнинг тилидан аския тушмайди. Секин суҳбатни диктофонимга ёзаман.

«Кеча жаҳлимни чиқарганди, келинимни ота уйига ташлаб келдим. Энди уйидагилар олиб келса, мен улардан кафолат хати, тилхат, «барча ишларни бажараман, шу уйда яшасам бўлди» деган ариза оламан-да, уни олиб келган хола-аммасининг расми билан бирга битта йиғма жилд қилиб қўяман, – дея роса кулдиради ҳаммани ўқитувчи опа.

Бу гапни жиддий қабул қилган бошқа бир суҳбатдошимиз “Вой, опа унақа қилманг, кейин биз ҳеч кимни келин қила олмай қоламиз, ўқитувчига берадиган қизим йўқ, деб турволмасин одамлар», – дея кулишимизга яна сабаб топиб берди.

Чекка туманлардаги мактаблардан бирининг директори билан гаплашаётгандим, унинг қўл телефони жиринглаб қолди. Директор опа телефонни олиб “Нима, Наманган чегарасига 10 та одам, тозаловгами” дея саволлар бериб, қўнғироқ қилаётган кишидан саволларига жавоб олди шекилли “хўп” дея тугмачани босди.

«Бизларга қийин, – дейди директор опа, – бу ёқда таълим-тарбия ишлари, бир ёқда жамоатчилик топшириқлари… Чопиқнику бир амаллаб эплаётгандик, энди манави тозалов чиқибди».

Исми ошкор этилишини истамаган суҳбатдошларимдан бири вазиятдан чиқиш учун ўрнига 15-20 минг сўмдан бериб мардикор ёллашга мажбур бўлаётганини айтади.

«Рахбарлар жамоат ишини ҳам бажарасан, дарсингни ҳам ўтасан. Бўлмаса аризангни ёз. Иш қидирганлар тўлиб ётибди” дея шарт қўймоқда”, – дейди у.

Бироқ мардикор ёллашга ортиқча пул ҳаммада ҳам топилавермайди.

“Балога қолган ўқитувчию дўхтирлар. Биз болаларга дарс берайликми ёки чопиққа чиқайликми?» дейди энди аскиясини йиғиштириб қўйиб, юзларини водийнинг жазирама офтобидан тўсиб, кетмон олиб, ғўза даласига отланган бошқа бир муаллима.

Насима Даврон қизи
Eltuz.com

Тағин ўқинг
14 май 2018
Мирзиёевнинг 15-17 май кунлари АҚШга сафари олдидан «Америка овози» мухбири Навбаҳор Имомова расман Ўзбекистонда журналистик фаолият юритишга аккредитация олди. ...
7 январ 2016
Боз устига электр токи ва газ таъминотидаги узилишлар боис шифохоналардаги аҳвол оғирлашиб бораётгани тилга олинмоқда. Рассом Элсевар ўзбек касалхоналаридаги ...
30 июн 2016
Туркия Ички ишлар вазирлиги тарқатган маълумотга кўра, Террорчилардан бири Ўзбекистон ватандоши. Яна бири эса Россия Федерациясининг Доғистон республикасидан яна ...
18 январ 2018
Президент Мирзиёев ўз чиқишларида «эски замонлар тугаганини» бот-бот эслатишига қарамай, унинг мулозимлари Каримовни қўмсашда давом этишмоқда. «Шу тизим ичида ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 феврал портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...