Дайжест
29 май 2016

Тинчлик ва хотиржамлик ниқобига йўғрилган маддоҳизм

Тинчлик ва хотиржамлик ҳар қандай эзгу ишларнинг дебочаси эканини ҳеч ким инкор этмайди.

Лекин айнан шу эзгуликлар ортида аслида бошқа мақсадлар яширинган бўлса-чи?

«Ҳуррият» газетаси худди шу эзгу ниятлар қалқон қилиниб, аслида «муҳтарам»га ҳамду санога бағишланган, маддоҳизм жанрида битилган мақолани эълон қилди.

«Давлатимиз раҳбари таъкидлаб ўтганидек, Ўзбекистон мустақил тараққиёт йўлида дунёнинг ҳавасини келтирадиган ютуқ ва марраларга эришган, янада улкан марраларни кўзлаётган бўлса, буларнинг негизини юртимиздаги тинч ва осуда ҳаёт, миллатлар ва фуқаролараро тотувлик, ўзаро меҳр-оқибат ва ҳамжиҳатлик каби фазилатлар ташкил этади», дейди газета.

Газета давом этади: «Бир вақтлар бу ерга маълум манфаат эвазига йўл-йўриқ кўрсатиш, ёрдам қўлини чўзиш учун келмоқчи бўлганлар бугун Ўзбекистондан беминнат маслаҳат олишмоқда, миллий тараққиёт, ижтимоий юксалиш тамойилларимизни, «Шу улуғ Ватан – барчамизники!» деган улуғ шиоримизни ўрганишмоқда.

Тўғри, газета «биздан маслаҳат олаётган», «улуғ шиоримизни ўрганаётган»лар кимлар эканига ойдинлик киритмайди. Бу шарт ҳам эмас. Аввало, бундайлар борлигининг ўзи шубҳали. Мақсад эса бутунлай бошқа – ёлғон бўладими, рост бўладими, нима қилиб бўлса ҳам «муҳтарам» шаънига ҳамду сано тўқиш.

«Президентимизнинг халқимизнинг иродасига ҳамиша таяниб иш кўриши, ҳар қандай вазиятда ҳам тўғри ва оқилона қарор қабул қила олиш салоҳияти – юртимизни, халқимизни турли хавф-хатарлардан, бало-қазолардан сақлаган, оғир синовлар, йўқотишлар ҳисобига қўлга киритилган ҳурриятимизни сақлаб қолишга асос бўлган.

Бу – инкор этиб бўлмайдиган ҳақиқат!» дея ёзади газета.

Eltuz.com

Тағин ўқинг
28 сентябр 2015
Баъзида ўзаро баҳслашаётанлар орасида бир-бирини «манқурт (зомби)» ликда айблашлар учраб туради. Хўш, аслида манқуртлар кимлар? Мен ҳозир қўлдан келганча ...
5 октябр 2017
2017 йил 1 октябрда чиққан суд қарорига кўра, журналист Бобомурод Абдуллаев, 159-модданинг 4-нчи қисми, “мавжуд конституцион тузумни ағдариш” ва ...
1 сентябр 2016
31 август куни россия ОАВ, Ислом Каримов тирик экани ва уни Бурденко номидаги Нейрохирургия Илмий тадқиқот Институти (ИТИ) шифокорлари ...
20 апрел 2016
Хусусан, «XXI аср» газетасининг ёзишича, 2015 йилда Ўзбекистон банк тизимининг жами капитали 2014 йилга нисбатан 23,3 фоиз кўпайиб, 7,7 ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...