Дайжест
9 июн 2016

Хорижга чиқарилмаслик учун шахс қандай «гуноҳлар» қилиши керак?

«Адолат кўзгуси» газетаси бугунги Ўзбекистон учун муҳим муаммо – қандай шахсларнинг хорижга чиқарилиши чекланиши ҳақида мақола эълон қилди.

Унда айтилишича, хусусан, давлат сири ҳисобланган маълумотларни ташувчилар, устидан жиноят иши қўзғатилганлар, судланганлиги бекор қилинмаган алоҳида рецидивистлар ёки ИИВ назоратидаги шахслар, суд томонидан юкланган мажбуриятларни ижро қилмаганлар, устидан судда даъво қўзғатилганларнинг хорижга чиқиши чекланади.

Шунингдек, ҳарбий хизматга чақирилганлар, ИИВ ва Ташқи ишлар вазирлиги томонидан шахснинг чет элда бўлган вақтида келган мамлакати қонунларини бузганлар, ўзи ҳақида сохта маълумотлар тақдим этганлар ҳам чет элга чиқарилмайди.

Мақола сўнггида ўзининг чет эга чиқиш ҳуқуқи бузилганлар кириш-чиқиш ва фуқароликни расмийлаштириш бўлинмаларининг юқори органларига мурожаат этиши мумкинлиги эслатиб ўтилган.

Шу билан бирга, Ўзбекистон фуқароларининг чет элга чиқиши тартибининг айрим кичик бандларида кўрсатилган сабаблар бўйича чет элга бориш ҳуқуқини чеклаш устидан шикоят қилиниши мумкин эмаслиги кўрсатиб ўтилган. Лекин бу бандларда нима дейилгани аниқлаштирилмаган.

Гап шундаки, бугун чет элга чиқиш визаси берилмаётганларнинг аксарияти ҳукумат билан муросалари келишмаётганлар ёки уларнинг яқинлари экани тўғрисида мустақил ОАВларда кўп ёзилмоқда.

Улардан бири мустақил журналист Малоҳат Эшонқулованинг қизи Зарнигордир. У ҳам бир неча марта хорижга чиқиш учун рухсат олиш мақсадида ҳужжатларини топширганига қарамай, ўз ниятига ета олгани йўқ. Ҳатто мустақил ОАВларда унинг мамлакат раҳбариятига мурожаатлари ҳам эълон қилинди.

Қизиғи шундаки, қуйи органлар унинг хорижга чиқиш ҳуқуқи нега чекланганини айтаётгани йўқ. Юқори органлар эса оғзига мум тишлаб олган.

Балки бу борадаги қонунчиликнинг нима ёзилгани аниқлаштирилмаган баъзи бандларида «ҳукуматнинг йўриғига юрмаганлар хорижга чиқа олмайди», деган сўзлар битилганмикин?

Eltuz.com

Тағин ўқинг
21 июл 2017
Фарғона вилояти аҳолиси ўз яқинларидан келган жўнатма пулларни олишга қийналмоқда. Банклар олдида узунқатор навбатлар ҳосил бўлган. «Ўғлим Россияда ишлайди, ...
19 октябр 2015
Ўзбекистон инсон ҳуқуқлари жамиятининг фаоллари. Самарқандлик Норбой Холжигитов ва жиззахлик раҳматли Бахтиер Ҳамроев. Норбой Холжигитов Ўзбекистон қамоқхоналариларидан 2011 йили ...
23 феврал 2016
Рассом Элсевар ўзбекистонлик қарияларнинг пенсияларини пластикка ўтказиш билан боғлиқ ижтимоий муаммоларини ҳажв мўйқаламига тортишда давом этади. Дўконларда, ёзилмаган қоидаларга ...
26 сентябр 2017
Шавкат Мирзиёев иқтидорга келгач, Россиялик ўзбек миллиардерларининг мамлакатга келиб бизнес бошлаётгани кузатилмоқда. Алишер Усмонов, Искандар Маҳмудовлар ортидан яна бир ...
Блоглар
16 октябр 2017
Ҳар дам олиш кунлари Тошкентдаги турли вазирликлар, давлат қўмиталари, сон-саноқсиз бюджет ташкилотлар олди эрта тонгдан ...
13 октябр 2017
9 октябр куни Ўзбекистон бош вазири ўринбосари Танзила Норбоева, (фото: чапдаги расм) nuz.uz нашри орқали ...
9 октябр 2017
«Талқончи» нон ушатишда давом этади… Ўзбек махбуслари учун чақимчи камерадош билан яшаш қандай ёқимсиз… Собиқ ...