Кундалик
10 июн 2016

Ўзбекистонда рўзадорларга қарши босимлар кучайди

10 июн куни, Ўзбекистон Мустақил ҳуқуқ ҳимоячилари ташаббус гуруҳи рахбари Сурат Икромов тарқатган матбуот билдиришига кўра, рўза бошланган 2016 йилнинг 6 июнидан буён Чиноз туман Ички ишлар ходимлари тинч мусулмонларга нисбатан кенг миқёсда тазйиқ ва таъқибларини бошлаб юборишган.

Ҳаво даражаси 40-42 даражага чиққан айни жазирама кунларда милиция ходимлари диндорларнинг уйларига кириб, улардан ТИИВга етиб келишларини талаб қилишган, у ерда эса ҳеч бир айбловларсиз 8 соатлаб ушлаб ўтиришган.

Бу ҳақда Инсон ҳуқуқи ҳимоячиларига мурожаат қилган 62 ёш кекса аёл Марҳамат Мирзаевага кўра, унинг уйига 9 июн куни соат 15.30 да Лазиз исмли участка нозири билан бирга келган милиционерлар у ва келини Нигора Сўпижонова(1977)ни Чиноз ТИИВга боришгани ва Россияда мардикорлик қилаётган ўғлини келтиришни талаб қилишган.

Муттасил дўқ пўписалар натижасида Нигора Сўпижонованинг юраги ўйнаб қолган, “тез ёрдам” чақириб уни туман шифохонасига олиб боришган.

Айни пайтда, ЎМҲҲТГга Қашқадарё вилоятининг Косон 64/51 колониясида ҳам диндор маҳкумларга нисбатан режимнинг кучайтирилгани, уларга рўзага риоя қилиш имкони берилмаётгани ва диний сабаблар билан қамалганларга шафқатсиз муносабатда бўлинаётгани ҳақида маълумотлар келиб тушган.

Шунингдек, 23-24 июнда Тошкентда ўтиши кутилаётган ШҲТ самммити муносабати билан 20 июндан бошлаб мамлакатдаги барча қамоқхона ва тергов ҳибсхоналари ўн кунга беркилиши айтилади ҳуқуқ ҳимоя ташкилоти билдиришида.

Eltuz.соm

Тағин ўқинг
3 октябр 2017
3 октябр куни «Жаслиқ» турмасида ўн йил ўтириб чиққан ўзбек фаоли 38 ёшли Аъзам Фармонов озод қилиниб уйига қайтди. ...
2 июн 2016
Журналистнинг «Нега йўқ бўлиб кетдингиз? Ўрнингиз жудаям билиняпти» деган саволига жавоб берар экан, Обид Асомов шундай деди: «Баъзи бир ...
30 май 2017
Республикадаги кўплаб информацион дастурларнинг ёпилиши эвазига ташкил қилинаётган «Ўзбекистон 24» телеканали 27 июндан эфирга чиқади. Бу канал дастурлари Ўзбекистон ...
21 апрел 2016
«Адолат» газетаси пичоқдан жароҳат олган фуқарони операция қилган шифокор беморнинг яқинларидан пул олгани учун жиноий жавобгарликка тортилгани ҳақида ёзди. ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...