Асосий мавзулар
24 феврал 2017

Цензорнинг эркинликка чорлови

Сўнгги вақтларда ўзбек матбуотида илгари тилга олинмаган мавзулар кўтарилаётганига бир неча марта эътибор қаратгандек.

«Оила ва жамият» газетасида (22.02) «Ўзбекистон овози» газетаси бош муҳаррири Сафар Остонов билан суҳбатни ўқиб, айнан матбуот эркинлигига ўз таъсири доирасида тўсқинлик қилиб шахслар бугун яна қаҳрамонлик даъвосини қилаётганига далил топгандек бўлдик.

Чунки «Ўзбекистон овози» газетасини кузатиб борсангиз, у нафақат кечаги кунларда ўзбек матбуотининг энг ёмон кўриниши намунаси бўлганини, балки бугун ҳам қарийб ўша аҳволда эканига гувоҳ бўласиз.

Аммо «Оила ва жамият» мухбири билан суҳбатда бу бош муҳаррир худди эркин матбуот тарғиботчисидек таассурот уйғотишга ҳаракат қилган, лекин илк гапларининг ўзиёқ унинг аслида бунга қарши эканини кўрсатиб қўйган.

«Биринчи президентимиз Ислом Каримов раҳбарлигида олиб борилган кенг кўламли ислоҳотларни бугун янада катта талаб ва масъулият билан давом эттиришни ҳаётнинг ўзи талаб қилмоқда», деб гап бошлаган бу «матбуот дарғаси».

Аслида И.Каримов ҳукмронлиги ўзбек матбуотини бичиб қўйгани, уни абгор қилганини бу «мутафаккир» билмайди деб ўйлайсизми? Билади. Билгани-ку майли, бу сиёсатни амалга оширувчилар сафида туради.
Шунинг учун интервьюда ҳам у умумий гаплардан нарига ўтмайди, сихни ҳам, кабобни ҳам куйдирмайдиган фикрларни қаторлаштириб ташлайди.

Бош муҳаррир сўзларига озгина залвор бериш учун: «Илгари «Журналист суриштируви», «Суд очерки» деган жанрлар бор эди, бугун йўқолиб кетди», деб ҳаммага маълум гапни қистириб ўтади ва «журналистларимиз ижтимоий муаммоларни кам кўтарадиган бўлиб қолди», дея ёзғиради.

Ўзбек матбуоти танқид қилинганда «бугун бош муҳаррирлар ҳам, журналистларнинг ўзи ҳам цензор бўлиб кетди» қабилидаги фикрлар билдирилади.

Энг қизиғи, ана шундай цензор вазифасини ўтаб келганлар бугун матбуот эркинлиги ҳақида бошқаларга ақл ўргатмоқда. Улар янада бош қаҳрамон ролига даъвогар бўляпти.

Шундай экан, бундай «қаҳрамонлар»га яна бош рол таклиф этилаётган юртимизда матбуотнинг эркинлашувига қанчалик ишониш мумкин?

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
6 апрел 2018
Президент Шавкат Мирзиёевнинг молия тизими ва тендер «ўйинлар»ини танқид қилгани ортидан Ўзбекистонда очиқ тендер савдолари бекор қилинди ва давлат ...
22 июн 2020
Қорақалпоғистоннинг Мўйноқ туманида 15 июнь куни очилган “Оқ кема” болалар оромгоҳи Ўзбекистон касаба уюшмалари федерацияси бюджети, яъни ишчи-хизматчилар касаба ...
20 июн 2016
Товламачилик айби билан хибсда қолаётган 38 яшар Чинозлик тадбиркор Аҳмадбой Турсунбоевга нисбат берилган мактуб ижтимоий тармоқларда пайдо бўлди. «Мактубда» ...
18 декабр 2018
Сизга омад тилайман, азизим. Оддийгина омад. Кўчада кетяпсиз, сизни мошина босиб кетмади. Тасодифан ўрмонда мурдани кўриб қолиб полицияга хабар ...
Блоглар
28 июн 2021
Асфальти йўқ кўчалар, газлаштирилмаган уйларимиз ҳақида «Дўстлик байроғига» ёзганимда ўн уч ёшда эдим. Қишлоғимизни бадбўй ...
25 июн 2021
Техник сабабларга кўра, бугун жума ваъзи эфирга узатилмайди. Аммо азиз муштарийлар учун бир пайтлар Урганчдаги ...
21 июн 2021
«Пахтакор»нинг келиб чиқиши турк, лекин швейцариялик Дердийок (ўзбекчасига Дардийўқ) деган футболчиси бор. Йиллик маоши 1,3 ...