Асосий мавзулар
23 январ 2017

Ўчган чироқлар ёки Мирзиёев билан селфи

«Кеча Мирзиёев. Ш.М кетиши билан 3 кундан бери ўчмай турган чироқлар бошлади ўчишни» дея ёзди тўрткўллик шифокор Алимардон Султонов.

Унинг сўзларига кўра баъзан чироқ тушликкача, баъзан то асргача берилади, кейин ўчирилади.

«Асосан газдан кийналяпти халқ» деди у Элтуз мухбирига.

Унинг сўзларини нукуслик фаол Азимбой Отаниёзов ҳам қисман тасдиқлади.

Унинг билдиришича, Мирзиёев келиши билан икки кун Нукусда ҳам чироқ ўчмаган. Бироқ газ босими пастлигича қолган.

Табиий газ босимининг пастлиги ва светнинг ўчиши Қорақалпоғистоннинг нафақат чекка овуллари балки марказий Нукус шаҳри учун ҳам одатий ҳол.

«Соддадил одамлар энди ҳаммаси яхши бўлиб кетади деб ишонишмоқда. Расмий матбуот фақат шу Мирзиёевни мақташ билан овора. Лекин, ҳали ҳеч нарса ўзгармагани кўриниб турибди «, дейди Азимбой ака.

Унинг таъкидлашича, Мирзиёев келишидан Қорақалпоғистоннинг кўримсиз ҳудудларида потёмкин қишлоқларини яратишга уринишлар бўлган. Кўп ҳолларда президент бўёғи қуриб улгурмаган объектларини бориб кўрган.

Элликқалъалик бир ҳайдовчига кўра, президент келиши олдидан қора рангли «Каптива» машиналарига эҳтиёж пайдо бўлган.

«Бир ҳафта бурун 20 тача қора рангдаги «Каптива» машиналари тайёр қилиниб СНБ гаражига келтириб қўйилди. Етмаганларини, менинг билганим, Элликқалъа туманидан одамларнинг шахсий автомобилларини сўраб олишди», дейди Элтузнинг сухбатдоши.

Ижтимоий тармоқда Хўжайли шаҳрида, халқнинг президентни ўраб олишгани тасвирлари пайдо бўлди.

Одамлар президентни ўз телефонларида суратга олишди, Каримовнинг сўнгги даврида буни ҳатто улар тасааввур ҳам қила олишмаган.

Янги президент, туманларни айланиб, ҳокимларни алмаштирар, рахбарлардан одамлар арзини тинглашни талаб этар ва барча вазирларни танқид қиларкан, уйларда чироқлар ҳамон ўчишда давом этмоқда.

Eltuz.com

Тағин ўқинг
19 апрел 2018
Истанбулдаги Отатурк аэропортига Тошкентдан учиб келган ўрта ëшдаги ўранган ўзбек аëли 5000 қути сигаретани яширинча ўтказмоқчи бўлганида божгирлар қўлига ...
30 май 2016
Фарғона шаҳрида ўтган “Универсиада” спорт мусобақаларининг энг қизиқ воқеаси албатта, ёшгина милиционернинг мамлакат бош вазири Шавкат Мирзиёевнинг йўлини тўсгани ...
23 ноябр 2016
Аввалига ижтимоий тармоқда фейк аккаунтлар орқали тарқалган, Гулнора Каримованинг ўлгани ёки тириклигига оид хабарлар тезгина ўзини жиддий дея санаган ...
10 май 2016
Бугун автомобил жанжали марказида қолаëтган Улуғбек (Бош вазир ўринбосари) билан бир муддат Ўзбекистон миллий банкида бирга ишлаганим боис Eltuz.com ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...