Cатира
18 март 2017

Андижон шаҳрида 6 киши пичоқланди

Кейинги 2 ой мобайнида Андижон шаҳрида олтита пичоқбозлик қайд қилинган. Андижон шаҳар Ички Ишлар бошқармасининг ўтган пайшанба махаллий нашрларга берган маълумотларига кўра, пичоқбозлик билан боғлиқ жиноятлар яна хам кўпроқ бўлиши мумкин. Уларга кўра, кейинги 2 ой ичида 183 та жиноят содир этилган. Шунингдек, 6 та ўта оғир турдаги, 13 та оғир турдаги жиноят ҳолати қайд этилган. Биргина шаҳарнинг ўзида Ички ишлар бошқармаси вакилининг маълум қилишича, жиноятлар орасида пичоқ билан тан жароҳати етказиш ҳолатлари кўпаймоқда.

  • Ҳозирги ёшлар жуда қизиққон, асабий бўлиб кетяпти, – дейди Андижон шаҳрида яшовчи фуқаролардан бири. – Сал нарсага жанжаллашиб кетишади. Шундай ҳолларда аксарият йигитлар кучи етмай, пичоққа югурганини кўраяпмиз. Мана яқиндаям 2 та киракаш йигит йўловчи талашиб, кўзимнинг олдида уришиб кетишди. Ёшроғи шеригининг биқинига пичоқ санчиб олди. Касалхонага обкетишди. Ўлдими ё тирик қолдими, билмадик.

Пичоқ тақиш эркакча урф-одатми?

Расмий маълумотларда пичоқ билан тан жароҳати етказиш ҳолатлари 2 ой ичида 6 тани ташкил этаётганлиги қайд этилмоқда. Бироқ ИИБ вакилининг айтишича, бу рақам ундан ҳам кўп бўлиши мумкин. Чунки ёшлар орасида ёнида пичоқ олиб юриш, оммавий жанжалларда пичоқ билан таҳдид қилиш холлари кўпайган. Эркаклар енгил тан жароҳати олган вазиятларда буни милиция ходимларидан яширишга уринадилар. Улар бу иш “эркакчиликка тўғри келмайди” деб ҳисоблашади. Вилоят прокуратурасидаги манбанинг маълум қилишича, пичоқ билан жиноят содир этиш ишлари Ўзбекистон бўйича ҳам энг кўп Андижон вилоятида кузатилмоқда.

Муҳаммад Юсуфнинг ўғли ҳам пичоқлаб ўлдирилди

Андижон тумани Хартум қишлоғида яшовчи йигит Сарвар (исмлар ўзгартирилган) қассоб йигит Нодир билан жанжаллашиб қолади ва оқибатда тан жароҳати олиб касалхонага ётқизилади. Айримлар пичоқбозлик билан боғлиқ жиноятлар аксарият ҳолларда қассобчилик хунари билан шуғулланадиган кишиларга бориб тақалишини таъкидлашади. Чунки қассобларда пичоқнинг ҳар хил туридан бор. Шунингдек бу пичоқлар ўткир тиғли бўлиб, етказилган тан жароҳатларининг кўпи ўлим билан якунланади. Бундан бир неча йил муқаддам машҳур ўзбек шоири Муҳаммад Юсуфнинг ёлғиз ўғли Бобур ҳам қассоб етказган тан жароҳатидан ҳалок бўлганди.

Ошпичоқни таъқикқлайликми?

-Афсуски ҳозирги ёшлар орасида бундай ҳолатлар жуда кўпайиб кетди, – дейди Элтуз мухбири билан суҳбатда руҳшунос Б.Н. – Ижтимоий муаммоларнинг кўплиги, ҳаёт ташвишлари одамларни асабий қилиб қўйяпти. Ёшлар аксарият ҳолларда стресс ҳолатидан тез чиқиб кета олмайдилар. Жаҳл чиққанда эса ақл қочади.

-Яхшиям Ўзбекистонда қурол-яроғ савдоси таъқиқланган, – дейди ўқитувчи Ж.Д. – Акс ҳолда, биз жиноятчилик борасида етакчи мамлакатларни ҳам ортда қолдирган бўлармидик?! Чунки менталитетимиз шунақа-ориятлимиз, жуда қизиққонмиз. Айниқса ҳозирги ёшлар гап кўтаролмаяпти. Аслида пичоқ ҳам совуқ қурол ҳисобланади. Бироқ пичоқ савдосини таъқиқлаб бўлмайди-да. Пичоқ ҳар бир ўзбек хонадонида бор. Шу сабаб биринчи навбатда ёшлар тарбиясига эътиборни қаратишимиз керак, уларни тинчлантириш, муаммолари билан бўлишиш, хал қилишда ёрдам беришимиз керак. Ҳозир кўпчилик одамлар пул топаман деб, фарзандларининг дарди, ташвиши билан иши бўлмаяпти. Шунинг учун болаларимиз агрессив, аламзада.

Айни кунларда участка инспекторлари ўз ҳудудларида профилактик чора-тадбирларни бошлаб юборишган. Маълумотларга кўра, улар пичоқ чархлайдиган усталарга мижозларнинг пичоғини чархлаш баробарида ўткир учини силлиқлаб ташлаш ҳақида кўрсатма бермоқда.

Шоҳида Саидова
Андижонлик муаллиф таҳаллуси
Eltuz.com

Тағин ўқинг
15 март 2016
Анқарада юз берган портлаш кўп қатори менинг ҳам юрагимни эзди. Турклар ва Туркия учун камситиш бўлган юз йил бурунги ...
3 декабр 2015
Туркиянинг Анадўли агентлиги тарқатган ҳабарга кўра 2 декабр куни Ўзбекистон мухолифати лидери Муҳамад Солиҳнинг Истанбулдаги ховлисига икки шубҳали киши ...
23 апрел 2016
Кун карикатурасида бугун Eltuz.com, рассом Элсевар қаламига мансуб, автобус чиптачиси томонидан қулоғи чўзилаётган болакай суратини тақдим этади. Дунёнинг турли ...
29 март 2017
Мирзиёевнинг куёви Отабек Шаханов, Ўзбекистон президентининг Қозоғистонга расмий сафари чоғида ўзбек делегацияси таркибида кўринди. 22-март куни тасвирга олинган президент ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...