Асосий мавзулар
29 май 2017

Музқаймоқдан заҳарланган 100 беморга Сальмонеллёз ташхиси қўйилди

Андижоннинг Шаҳрихон туманида музқаймоқдан захарланган 100 кишига сальмонеллёз касаллиги ташҳиси қўйилган. Бу ҳақда Элтузга исми шарифини сир тутишни сўраган шаҳрихонлик шифокор маълум қилди.

Унинг Элтуз мухбирига айтишича, Музқаймоқдан заҳарланганларнинг ташҳисларида сальмонеллёз касаллиги аниқланган бўлсада, шифокорларга бу ҳақда ҳеч кимга ошкор этмаслик уқтирилган.

Сальмонеллёз – ўткир ичак инфекцияси бўлиб, касалликни озиқ-овқат маҳсулотларида узоқ вақт сақланувчи бактериялар – сальмонеллалар ташийди.

«Сальмонеллёз шундай касаллик-ки, бош оғрийди, кўнгил айнийди, ич кетади, ошқозон ва ичакларда оғриқ туради, одам хушидан кетиши мумкин, оғир формасида ҳатто жигар ва талоқ шишиб кетади, соғайиш баъзан бир ярим ойгача чўзилиши мумкин»,- дейди шаҳрихонлик шифокор.

Унинг сўзларига кўра, касаллик симптоми яққол кўриниши билан бирга, умуман кўзга ташланмаслиги ҳам мумкин.

Кейинги ҳолатда касалликка чалинган одам, уни бошқаларга юқтиради, ўзи эса бундан жабр кўрмайди.

Музқаймоқдан заҳарланганлар орасида ҳали ҳам саломатлиги тўлиқ тикланмаган беморлар бор ва уларда ҳам бу касаллик топилиши мумкин.

«Бир кишига касалхонадан эрта жавоб бериб юборишибди. Кейин у соғлиги яхшиланмагач, порталга мурожаат қилган экан, шу боис яна Тошкентдан комиссия келиб қайтадан текширувлар ўтказибди», – дейди шаҳрихонлик савдогар аёл.

Бундан аввал Элтуз Андижон вилоятининг Шаҳрихон туманида 16 май куни юзлаб одамларнинг музқаймоқдан захарланиб касалхонага тушгани ҳақида хабар берган эди.

Воқеа тафсилотларини ўрганиш учун келган комиссия хулосаларига кўра, ушбу воқеа санитария-гигиена қоидаларига амал қилинмасдан тайёрланган музқаймоқ истеъмол қилиш оқибатида келиб чиққан.

Ўтган вақт давомида барча туман ва шаҳарлардаги музқаймоқ бизнеси билан шуғулланувчи тадбиркорлар қатъий текширувдан ўтказилган.

Текширув натижасида, фрезерли музқаймоқ тайёрлаш қонун-қоидаларига риоя этишда камчиликлар мавжудлиги аниқланган.

«Ҳукумат тадбиркорларга кенг йўл очиб, улар фаолиятини бехуда текширмайсан, деб қўйгани учун ҳам назорат сусайиб кетганди. Энди ҳар бир тадбиркорнинг маҳсулоти текшириляпти», дейди СЭС ходимларидан бири.

Eltuz.com

Тағин ўқинг
16 декабр 2016
«Халқ билан фикрлашган одам кам бўлмайди», дея мулоҳаза қилди «Ўзбекистон овози» газетаси (13.12) сайланган президент Шавкат Мирзиёевнинг 2017 йилни ...
12 январ 2017
Ўзбекистонда «Коррупцияга қарши курашиш тўғрисида»ги қонуннинг қабул қилиниши ортидан сенатор ва депутатларнинг бу ҳужжатга оид баландпарвоз чиқишлари пайдо бўла ...
30 декабр 2016
Айни кунларда «мустақил газета» деган баландпарвоз мақом билан чоп этиладиган «Ҳуррият» нашрининг илк сони чиққанига 20 йил тўлаётир. Шу ...
26 январ 2016
Ўзбекистон МХХ раиси 72 яшар генерал Рустам Иноятов 1995 йилдан бери республикани кучли назорат остида тутиб келади¸ Рассом Туз ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...