Асосий мавзулар
11 июл 2017

Воҳид Амонов: Вақтида операция қилинганида хотиним тирик бўлар эди

3 июл куни Бешариқ марказий шифохонасига келтирилган 25 ёшли аёл вафот этди.

Бу ҳақда Элтуз нашрига мурожат этган аёлнинг эри Воҳид Амоновга кўра, фожеа хотинига биринчи тиббий ёрдам кечиктирилгани, шифокорларнинг лоқайдлиги туфайли юз берган.

У хотинини аввал гинекологга, кейин соат учларда туғуруқхонага келтиришганини айтади.

«Дардим ичимда шунинг учун биринчи бор сизга мурожаат қилдим. Агар вақтида биринчи тиббий ёрдам кўрсатишганида хотиним тирик қолган бўларди», дейди у.

УЗИ текширувидан сўнг уни зудлик билан операцияга ётқизилиши кераклигини айтишган. Бироқ анализлари чиқмагач, операция яна орқага сурилган.

Марҳуманинг эрига кўра, унинг анализларини чиқармай, Олий мажлисдан текширув келди, деб лабороторияни ёпиб кетиб қолишган.

«Дадам операция хонаси эшиги олдида келинининг овозини эшитиб, ҳалиям операция бошламадингларми деб тўполон кўтариб, у ёқ бу ёқларга қўнғироқ қила бошлади…» дея давом этади Амонов.

Бу орада аёлнинг бачадон трубкаси ёрилиб кетган, 18.30 яқин операция бошланган.

«Алам қиларканда. Ҳеч бўлмаса бирортаси тил учида бўса ҳам таъзия билдирмади. операция тугаши биланоқ икки ёрдамчиси келиб, биз чарчадик операцияда кечаси билан ухламадик, рози қиларсиз, ҳеч бўмаса қўл ҳақи беринг дейишди. Мен ҳозирча пулим йўқ аёлим тузалиб кетса бераман десам, улар тўнғиллаб кетишди» дейди Воҳид Амонов.

Унинг хотини икки соат ичида бир ярим литр қон йўқотиб вафот этди, беш ва уч яшар иккита қизи эса онасиз қолди.

Eltuz.com

Тағин ўқинг
27 май 2016
Жорий ҳафтада Асакадаги машина заводида яна 50 киши сўроққа тортилиб¸ шаҳарни тарк этмаслик борасида имзо чектирилди. Бундан олдин ўнлаб ...
8 июн 2017
Иккинчи жаҳон урушида инсоният қозонган ва нишонлаган ғалаба куни аслида бугун эканини кўпчилик билмайди. 1946 йил 8 июнь куни ...
27 октябр 2016
«Миллий тикланиш» газетаси (26.10) шу номдаги партиянинг парламентдаги фракцияси йиғилишида 2017 йилга мўлжалланган бюджетнома – давлат бюджети, давлат мақсадли ...
17 март 2016
Хусусан, “Ўзбекистон овози” газетаси азалдан қишлоқ ва маҳаллаларда шаклланган ҳашар эндиликда мамлакат миқёсига чиққани, бўлиб ўтган ҳашарда 18 миллиондан ...
Блоглар
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетяпман. Қарасам, байрамона кийинган милиционерлар, байроқча ...
23 апрел 2018
Айни кунларда Тошкентдаги умумтаълим мактабларида турникет ўрнатиш кенг кўламда, аксарият ҳолларда мажбурий тарзда бошлаб юборилган. ...
20 апрел 2018
Коллеж ўқувчисини урган урганчлик ўқитувчи Зебо Нафасова 14 апрель куни ишдан бўшатилди. Унинг ишдан кетишига ...