Кундалик
19 январ 2016

«Жодугар»да ўйнаган артист «Ўзбеккино» раҳбари бўлди

«Девона фаришта», «Қўрғошин» ва «Жодугар» фильмларида ўйнаб танилган артист Отабек Мусаев «Ўзбеккино» Миллий агентлиги раиси этиб тайинланди.

Бу ҳақда «Ўзбеккино» Миллий агентлигининг ахборот хизмати хабар берди. Мусаев бундан олдин Ўзбекистон Президенти Девонида мулозим эди. Отабек Мусаев агентликнинг бош директори вазифасини вақтинча бажарувчи сифатида ишлаб келаётган Аҳмаджон Умаров ўрнига келди.

«Ўзбеккино»даги Eltuz.com манбасига кўра, Мусаев «текшир-текширдан чарчаган ва ўзаро адоват ҳукм сурган идорага навбатдаги торпеда раҳбар сифатида юқоридан жўнатилган» 2014 йили «Ўзбекфильм» очиқ акционерлик жамияти директори Файзираҳмон Усмонов жиддий тафтиш натижасида аниқланган бир миллиард сўм камомадда айбланиб ишдан олинган эди.

Бу воқеадан бир неча кун ўтгач “Ўзбеккино” Миллий агентлиги Бош муҳаррири Мурод Муҳаммад Дўст ҳам лавозимидан бўшатилган эди.

Ўзбекистон кино индустриясининг барча тармоқларида бошланган тафтиш пайтида «Ўзбекфильм» очиқ ҳиссадорлик жамияти маҳсулотларини сотиш бўлими бошлиғи 51 яшар Тўлаган Назаровнинг жасади «Ўзбекфильм» биносида осилган ҳолда топилган эди.

Дарвоқе ўзини осган Тўлаган Назаров хозир «Ўзбеккино»га раҳбар қилиб туширилган Отабек Мусаев роль ўйнаган “Қўрғошин” фильмига продюссерлик қилган эди.

Продюссер ўлими ортидан 2015 йилнинг декабрида Жаҳонгир Қосимов агентлик раҳбарлигидан кетказилган эди. Бу идорада узоқ ишлаб истеъфога чиққан ва исми айтилмаслигини маъқул кўрган ëзувчига кўра, «Ўзбеккино бахилларнинг кўкармайдиган боғига айланган».

Eltuz.com

Тағин ўқинг
27 сентябр 2017
Ахмаджон Одилов 27 сентябр куни эрталаб, соат 5.30 да 92 ёшида оламдан ўтди. Жанозаси Ғурумсаройда соат 4 да бўлиши ...
17 феврал 2018
Ўзбекистон телеканалларидан бирида намойиш қилинаëтган “Севги изтироблари” кўп қисмли фильми душанба кунидан бошлаб эфир сеткасидан ташланади. Бу ҳақда «Элтуз»га ...
27 январ 2018
Ўтган йил декабрда Марказий Осиë археологияси ва меъморий реставрацияси асосчиси Михаил Массон туғилганига 120 йил тўлди. Археолог изланишлар олиб ...
7 март 2017
Андижон шаҳрида яшовчи Ҳ. жуда келишган, кўркам йигит. Махалладошлари уни машҳур футболчи Криштиану Роналдуга ўхшатишади. Қўшниларининг айтишича, Ҳ. ақлли, ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 феврал портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...