Асосий мавзулар
4 апрел 2018

Санъаткорлар тўй-ҳашамларни чеклашга қарши чиқишмоқда

«Ўзбекконцерт» давлат муассасасида 30 март куни санъаткорлар иштирокида «Тўй-ҳашамларни тартибга солиш тўғрисида»ги қарор лойиҳаси муҳокама қилинди. Бу ҳақда мажлисда бевосита қатнашган иштирокчилардан бири «Элтуз»га маълум қилди.

Мажлис қатнашчисининг «Элтуз»га билдиришича, тўйларда санъаткорлар томонидан шартнома асосида хизмат кўрсатиш, хизмат нархларининг энг юқори миқдорини белгилаш, шунингдек, оилавий тадбирларга фақат бир нафар санъаткорни (гуруҳни) жалб этиш борасидаги чекловлар бўйича санъаткорлар фикрлари ўрганилган.

Муҳокамадаги қонун лойиҳаси санъаткорларнинг норозилигига сабаб бўлган ва бу қарор Ўзбекистонда санъат соҳасининг ривожига салбий таъсир кўрсатиши мумкинлиги таъкидлаб ўтилган.

«Ўзбекконцерт» расмий вакилининг учрашувда билдиришича, санъаткорлар мажлис муҳокамасига қўйилган чекловлардан норози бўлганлар.

Расмий вакилнинг берган маълумотига кўра, мажлис якуни бўйича санъаткорлар Сенатдан тўйларда битта навбатчи санъаткордан ташқари қўшимча равишда уч ёки тўрт санъаткорнинг иштирок этишига рухсат берилишини сўрашган.

Мажлис бўйича бошқа батафсил маълумот олишнинг имкони бўлмади.

Март ойининг бошида, «Элтуз» нашри хабар берганидек, президент бошчилигида бўлиб ўтган видеоселектор йиғилишида Шавкат Мирзиёев тўйларни кескин танқид қилган ва улар 150 кишилик бўлишини ҳамда уларни чеклаш бўйича Сенат қарори чиқишини билдирган.

Президент Мирзиёев танқиди ортидан 15 март куни «Тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солиш тўғрисида»ги қарор муҳокамага қўйилган эди.

Ўзбекистон Сенати эса тўй-ҳашамларни тартибга солувчи янги қарорни қабул қилишга шошилмаяпти.

Сенат томонидан март ойининг охирида қабул қилиниши керак бўлган бу қарор иккинчи марта қайтадан жамоатчилик муҳокамасига қўйилган ҳамда унинг қачон қабул қилиниши ва кучга кириши бўйича «Элтуз»да ҳозирча аниқ маълумотлар йўқ.

Умид Эркин
Eltuz.com

Тағин ўқинг
5 август 2018
«Гуруҳимизнинг жипслиги ва қатъияти аввалида оёқ тираб туриб олган суд раисини қариндош-уруғларимизнинг қолганларини ҳам суд залига киритишга мажбур қилади, ...
16 май 2018
Мирзиёевнинг АҚШга сафари бошланган 16 майда Россия нашрлари ИШИДнинг 5000 жангариси Ўзбекистонга ҳужум қилишга тайёрлиги ҳақида фейк хабарларни тарқатди. ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва моддий ўтказмалардан ноқонуний фойдаланиш” ...
1 декабр 2016
Фарғона вилоятининг ҳар бир туманда Шавкат Мирзиёевга овоз бериши учун сайловчиларга калиш, атлас, адрас матолари тарқатилмоқда. Энг қизиғи бу ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...