Ўзбекистонда тақиқланган қўшиқчи Иосиф Кобзон ўлди

Каримов даврида Ўзбекистонда концерт фаолияти тақиқланган Россиялик қўшиқчи Иосиф Кобзон 30 август куни 80 ëшида ўлди.

Ўзбекистонда “криминал авторитет” дея танилган Салим Абдувалиев неварасининг 2014 йили Тошкентда ўтган никоҳ тўйига Ўзбекистонда концерт фаолияти расман тақиқланган рус-совет қўшиқчиси Иосиф Кобзонни олиб келган эди.

Совет ўтмишини улуғловчи қўшиқлар ижро қилгани боис, Путинпараст Иосиф Кобзоннинг 2004 йилдан бошлаб Ўзбекистонда концерт уюштириши Ўзбекистон Маданият вазирлиги тарафидан тақиқланган.

Кобзоннинг ўзи бу тақиқ орқасида Совет пропагандасидан масофаланишни истаган Ўзбекистон президенти турганини матбуотга билдирган эди.

Совет қўшиқчиси сифатида Ўзбекистонга киритилмаган Иосиф Кобзон: “Каримов менинг овозимдан чўчийди, чунки бу овоз Ислом Каримов шахсиятида шўро одамини тарбиялаган”,- деганди.

Eltuz.com