Дайжест
11 апрел 2017

Фирибгарлардан автомобил ҳарид қилганлар жазоланди

Суд-ҳуқуқ тизими ислоҳ қилинаётгани ҳақидаги ура-урачиликнинг янги тўлқини кўпчиган шу кунларда «XXI аср» газетаси яна бир мавзуни кўтарганки, соҳадаги энг катта муаммолардан бири ялт этиб кўзга ташланган.

«Фарғонада «жиноят қуроли», Самарқанд ва Қашқадарёда «ашёвий далил»ми? сарлавҳали бу мақоланинг мазмунидан маълум бўладики, бир гуруҳ фирибгарлар мамлакатга ноқонуний йўллар билан машиналар олиб кириб, уларни фуқароларга пуллаган.

Фирибгарлик фош этилиб, Фарғона, Самарқанд ва Қашқадарёда суд жараёнлари бўлиб ўтган.

Эътиборлиси шундаки, Самарқанд ва Қашқадарёда бу фирибгарликни кўриб чиққан судлар давлат нотариал идоралари томонидан расмийлаштирилган машиналарни уларни қонуний йўл билан сотиб олган эгаларига қайтариб бериш ҳақида ҳукм чиқарган.

Фарғона суди эса худди шу мазмундаги иш юзасидан фирибгарлардан қонуний йўл билан машина харид қилган 18 жабрдийдани қон йиғлатиб, мулкини мусодара қилиш қарорига келган.

Бир хил иш юзасидан икки хил ҳукм чиқарадиган судларнинг ҳукмлари нимадан дарак беради?

Балки судларнинг қонунга эмас, бошқа манфаатларга асосланишидан дарак эмасми бу?

Мақола муаллифи ҳам шунга ишора беришга уринган шекилли: «18 нафар жабрдийданинг емаган сомсага тўлаган пулларини қайтариш – мўъжиза билан баробар», дея хулоса қилади.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
26 март 2018
Президент Мирзиёев 23 март кунги йиғилишда матбуотни мақтамасликка, бор ҳақиқатни кўрсатишга чақирди. «Мақтаманглар. Мақтайдиган даврлар ўтиб бўлган. Раислар билан ...
6 июн 2016
Ўтган ой Ўзбекистон телеканаллари «иш»ни 9 май- Хотира ва қадрлаш куни муносабати билан юртбошининг уруш фахрийларига кўрсатган «улкан эҳтироми ...
10 сентябр 2015
Ўзбекистон хукуматининг ОАВлари, наширётлари, воқеаларни ёритишда совет пропагандасидан қилча фарқ йўқ. Совет даврида ҳам кўзга кўринган адиб, шоир, санъаткорларни ...
9 октябр 2016
9 октябр куни Тошкент вақти билан соат 12.20 да Бухоро вилоятининг Олот туманида Елена Урлаева ва Малохат Эшонқуловалар ушланган ...
Блоглар
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва ...
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...