Cатира
1 декабр 2016

«У боис чиқар қуёш – у боис тўлади ой»

4 декабр куни президентлик сайловида номзоди қўйилган бош вазир Шавкат Мирзиёевга лаганбардорлик мотивлари шу кунларда ўзининг чўққисига яқинлашмоқда.

Шу маънода Ўзбекистон ҳудди Людо́вик XIV де Бурбо́н тахтга минаётган даврга менгзайди. 72 йил подшолик қилган бу шахс давридагичалик лаганбардорлик ҳеч қайси даврда бўлмаган, уни ҳатто «Қирол Қуёш» дея аташган.

Янги юртбошига бағишланган илк шеърни эса Людовик даври анъаналарига хос cубординацияни сақлаган ҳолда, марҳум президентнинг яқин аъёнларидан саналган сенатор-шоир Иқбол Мирзо бошлаб берди.

Отанинг ғоялари қоялардек мангулик,
Шери мардга муносиб арслонпанжа издош бор.

Сарой шоирлиги вакансини кўзлаб янги-янги маддоҳлар сони ортаркан, улар орасида илгариги авторитар ҳукмдор ўркачини еган икки улуғ марҳум шоир Абдулла Орипов ва Эркин Воҳидов мақтовлари ҳам эшитилади.

Халқ шоири Ҳалима Худойбердиеванинг «Ўзбекистон тоғларида Шавкат ўсди…» деб бошланадиган шеъри айниқса Шавкат Мирзиёев тарафдорларининг олқишларини оларкан, журналист Улуғбек Ҳайдаров «Зомин тоғларида ўсган кактус у» деган дея киноя қилди.

Бошқа бир шоир Муҳаммад Исмоил эса бўлғуси юртбошига бағишланган ўзининг серия мақолаларида, юқоридаги каби «шеърлар булоғи» қандай очилгани сабабини кўргандай бўлади:

«Мен, худди нажот кутгандай, Шовкат аканинг қўлларини қаттиқроқ сиқиб, илтижо билан қарадим.

– Ҳалима опа Ўрта Осиёда тенгги йўқ шоира. Уни асраш керак, – деди Шовкат ака. (иқтибос Мухаммад Исмоилдан)» Мана қаерда масаланинг илдизи! Чунки айни сатрлар Шавкат Миромонович шоирани «асрай бошлагани»дан сўнг яралган.

Ковул-коврак орасидан,
Чангиб келган бола у.
Мирзачўлнинг тўфонларин
Енгиб келган бола у.

«Ковул-коврак орасидан чангиб келган бола»нинг бошқа каромати кўзга чалинмай туриб ҳориждаги фаоллар, ҳатто айрим ўзларини мухолифатда деб санаб юрган шахслар ҳам бу мужодалага бош қўшишди.

Шуларнинг бири Шавкат Мирзиёев тарафида экани ҳақида баёнот берган «Озод деҳқонлар партияси»дан Нодира Хидоятова, унга ҳамроҳ тағин ҳориждаги мухолифатчилар Мирза Анвар Ҳамидов, Ж.Маматов ва бошқалар қаторлашиб кела бошлашади.

Икки ойки кўнглим менинг хотиржам
Кўзларим ТВ да ахтарар сени
Ҳаëлим тўлғаниб ҳиссим бўлар жам
Муваққат Шавкатим мангу Шавкатим.

Бу бир баҳтиëрлик сўнгги кўринмас
Ўзбеклар дунëсин йўли бўлинмас
Хориждаги фаоллар ҳам сени дер
Муваққат Шавкатим мангу Шавкатим.

У боис қуëш чиқар – у боис тўлади ой…

Дея давом эттиради моддоҳлар мушоирасини Ижтимоий тармоқда ўзини «Олтинхон» масжиди қоровули Ш.Ж дея таништирган яна бир шоир.

Мухолифат сафи борган сари торайиб, Шавкат Мирзиёевнинг шавкату-шонини куйловчилар сафи ортаркан, эркин фикри учун қамоққа ташланган журналистлар Муҳаммад Бекжон, Солижон Абдураҳмонов, Дилмурод Сайид, ҳуқуқ ҳимоячилари Аъзам Фармон, Аъзам Турғун ва бошқа минглаб сиёсий маҳкумлар қарийб чорак аср тахтда қолган Каримов даври сарой шоирининг «Серқуёш» мадҳиясини куйлаб маҳзун қадам ташлашади…

Рассом Туз
Eltuz.com

Тағин ўқинг
9 декабр 2017
Конституциянинг 25 йиллигига бағишлаб 7 декабрь куни қилган чиқишида президент Мирзиёев 2700 одамни авф қилганини билдирди. «Ҳозир 57 минг ...
3 сентябр 2016
«Ислом Абдуғаниевич 2016 йил 2 сентябрда Тошкент шаҳрида бош мияда қайта тикланмайдиган ўзгаришларга ва полиорган етишмовчилигига олиб келган мия ...
6 март 2018
Журналист Бобомурод Абдуллаев судининг 7 мартга қолдирилиши сабаби ҳақида ижтимоий тармоқда турли фикрлар билдирилмоқда. «Суднинг қолдирилганига иккита сабаб бўлиши ...
4 июл 2016
Ўзбекистонда кейинги ўн йилда аҳолига мажбурий сингдирилиб келинаётган нақд пулсиз тўлов тизими, ҳукуматнинг нақд ва электрон пул ўртасидаги тафовутни ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...