Cатира
17 октябр 2017

Президентнинг куëви Рамзанни қайнатаси билан нега учраштирди?

Ўзбекистон президенти Шавкат Мирзиёев 16 октябр куни Чеченистон раҳбари Рамзан Қодировни қабул қилди.

Лондондаги Шарқшунослик ва Африка тадқиқотлари марказининг Ўзбекистон бўйича таҳлилчиси Алишер Илҳомовнинг айтишича, Рамзан Қодировнинг ўзбек президенти қаршисида ҳарбий униформада пайдо бўлиши, унинг Тошкентга қандайдир бизнес эмас, балки солдат сифатида келганини англатади.

«Мирзиёев афтидан ўзининг ҳавфсизлигига масъул хизматларга унчалик ҳам ишонмайди. Иккинчи вазифа – бу ўзгача фикрга, иқтидордаги режимнинг мамлакат ташқарисида қолаётган мухолифлари ва танқидчиларига қарши кураш бўлиши мумкин» дея ёзади Алишер Илҳомов ўзининг фейсбук саҳифасида.

Каримов даврида Ўзбекистондан масофада тутилган Қодировнинг Ўзбекистонга сафари давомида унга президентнинг куëви Ойбек Турсунов мунтазам ҳамроҳлик қилгани кузатилди.

Рамзан Қодировнинг Тошкент сафаридаги матбуот назаридан четда қолган жиҳатлардан бири, Россия криминал авторитетларининг Ўзбекистондаги фаолияти учун “маъқул фазо яратиш” деди «Элтуз» мухбири билан гаплашган Ўзбекистондаги “жиноят олами”ни ичдан билувчи яна бир шахс.

Унинг иддао қилишича, сўнгги кунларда Тошкентдаги мавжуд криминал “авторитетлар” “нейтрализовать” қилиниб ўрнига “рамзанпараст” группа вакиллари “тайинланган”.

Аббос Ходжаев

14 сентябрь куни Тошкент Ички ишлар идораси сайти криминал авторитет саналган Аббос Ходжаевнинг қўлга олингани ҳақида ёзди.

“Россиядаги Рамзанга содиқ «вор законлар» Ходжаевнинг ўрнига ўз одамини қўйишди», деди «Элтуз» нашри манбаси.

Унинг айтишича, “Тошкент шаҳрининг «смотряшийси» бўлган Аббос Россия криминал авторитетлари назоратида бўлишни рад қилгани учун «нейтрализовать қилинган».

Манбанинг таъкидича, Ўзбекистоннинг Россия, ҳусусан Чечен криминал дунëси назоратига ўтишига 16 сентябрда Тошкентдаги «Бренд» тунги клубида ўтган «сходка» давомида қарор берилган.

“Кремлга вафодор бўлмаган Аббос Ходжаевни” тутиш амалиётига шахсан Тошкент шаҳар Ички ишлар бошқармаси бошлиғи Улуғбек Турсунов раҳбарлик қилган.

Полковник Улуғбек Турсунов президент Шавкат Мирзиёевнинг тўнғич куёви Ойбек Турсуновнинг акасидир.

Мирзиёев ҳавфсизлик масаласида ўз махсус хизматларига нега ишонмайди?

Лондонлик таҳлилчи Алишер Илҳомовга кўра, бу МХХнинг ўз имиджини оқлашга интилиши билан боғлиқдир.

«Службистлар Каримовга қасамёд келтиришган эди, бироқ улар Мирзиёвга қасамёд қилишни исташмаяпти. Бу контора каримов режими мухолифларини бартараф этиш учун илгари ҳам криминал-мафиоза хизматига чопган эди, бироқ Швециядаги суриштирувлар қаердан «қулоқ» чиқаётганини намойиш этди. Афтидан президентга энди учинчи кучларнинг полициячилик вазифасини олиб киришга тўғри келаяпти» дейди таҳлилчи.

Бироқ, унинг ўз манбаларига таяниб ёзишича, президент «ёлланма хизматга чопаркан», бундан кўп нарса йўқотиши мумкинлигини ҳисобга олмаяпти.

Агар Мирзиёева ташқи кучлар кўмагида, мамлакат ташқарисидаги ўз мухолифлари ва танқидчиларига қарши курашга бел боғлаган бўлса, у халқаро бандитизмга шерикликда айбланиши мумкин.

«Бу йил у обрў-эътибор нуқтаи назаридан, халқаро миқёсда қандайдир очколар олди. Бунинг барини у бир соат ичида йўқотиши, Халқаро саҳнада Ислом Каримов каби яккамоховга айланиши мумкин», дейди лондонлик таҳлилчи Алишер Илҳомов.

Рассом Туз
Eltuz.com

Тағин ўқинг
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир нечта масжид бор, бугунги ...
12 июл 2017
Андижонда ҳаво ҳарорати кўтарилган сайин одамлар фавворалар ёни ва сув бўйларига ўзини урмоқда, об ҳаво даражаси ҳақидаги расмий маълумотларга ...
8 май 2017
3 май – Жаҳон матбуот эркинлиги кунига бағишлаб “Олтин қалам” мукофотларини топшириш маросими журналистлар ва айрим нашрлар эътирозига сабаб ...
29 декабр 2017
«Совғанг бошингдан қолсин. Китобдан ҳам совға бўладими? Бир миллион рубль бер, битта коттеж ҳам бер!!!» Кечган йилда россиялик миллиардер ...
Блоглар
25 сентябр 2018
Бу йил баҳордаги йиғилишда фермерларга аччиқ қалампир экиш топширилди.  Бунга Ўзбекистон Вазирлар Маҳкамасининг 2018 йил 27 январдаги 62-сонли ...
24 сентябр 2018
Бугун 75 йиллик юбилейи баҳона Рауф Парфи номи эсланаркан, унинг асл шогирдлари билан бир қаторда, ...
24 сентябр 2018
Сўнгги кунларда Ўзбекистондаги пахта йиғим-терим мавсумига оид турли ОАВларда эълон қилинаётган хабарлар мамлакатда мажбурий меҳнат ...