Шавкат Мирзиёев: Туркия билан орамиздаги музларни эритдик!

1 май куни Туркия президенти Режаб Тойиб Эрдўғоннинг Ўзбекистонга расмий сафари ниҳоясига етди.

Ўзбекистоннинг Туркий тилли давлатлар кенгашига қўшилгани ҳақида 30 апрель куни Туркия президенти Режаб Тойиб Эрдўғон билан учрашувдан сўнг ўтказилган брифингда президент Шавкат Мирзиёев баёнот берди.

«Туркия – буюк турк миллатларининг ватани бу! Биз энди бирлашишимиз шарт! Орамизга қандайдир ишончсизлик, совуқлик тушиб қолган эди. Лекин икковимиз бир бўлиб бу музларни эритдик ва бу муз энди ҳеч қачон бўлмайди!» деди Мирзиёев.

Ўзбекистон президенти матбуот хизматига кўра, давлат раҳбарларининг Кўксаройда бўлиб ўтган музокаралари натижасида 25 та ҳужжат имзоланган, икки мамлакат ишбилармонлари 3 миллиард долларлик келишувларга эришган.

Eltuz.com