Асосий мавзулар
31 август 2016

«Ўликнинг табриги-2»

Бугун 31 август куни ЎзА ахборот агентлиги сайтида пайдо бўлган, президент Ислом Каримов номидан йўлланган табрик аллақачон ғойиб бўлди.

rasm3010
31 август куни пайдо бўлган табрик скриншоти

«Президент Ислом Каримов Ўзбекистон халқига байрам табригини йўллади» дейилади, соат 13.14 да пайдо бўлган, уни кўчириб босган ва тезгина олиб ташланган «Даракчи» сайтидаги табрик матни табрик индаллосида.

Табрикнинг тўлиқ матни эса ЎзА ахборот агентлиги сайтида эканлиги иқтибос қилинади.

Айни пайтда президентнинг аҳволи ҳамон номаълумлигича қолмоқда, бошсиз қолган мамлакат ҳукумати ўзининг гилам ости ҳаракатлари ҳақида халққа ҳеч бир маълумот сиздирмаяпти.

Бироқ, юқоридаги каби ҳолат кишини сергаклантиради ва беихтиёр салкам бир йил бурун янги йил арафасидаги ғаройиб ҳолатни эсга солади.

Президент байрам табрикларини ўзи ўқимаслиги, уни бошқалар ёзиши ва тағин бошқалар ўқиб бериши кўпчиликка сир эмас…

rasm674
Марҳум ЎзТВ диктори Абдумўмин Ўтбосаров

2015 йил 31 декабр куни ҳам ҳудди шундай бўлди, бироқ табрикни ўқиган ЎзТВ диктори Абдумўмин Ўтбосаров, табрик видеотасвири эфирга кетаëтганида аллақачон ўлиб бўлган эди.

Элтуз манбаларига кўра, Ўтбосаров президентнинг табригини 30 декабр куни ўқиган 31 декабр куни тахминан кундузги соат 11 ларда касалхонага олиб келинган ва ўша ерда инфарктдан жон берган.

Бор гап шу. “Ўликнинг табриги” деган жумлани илк бора 1999 йили мен Бош мухаррир бўлган Урганчдаги Эй Эл Си телекомпанияси ходими Нигора Абдуллаевадан эшитувдим.

Реклама ишларига бош қош бўлган Нигора ўша куни оламдан ўтган маҳаллий депутат ўлими ҳақидаги хабарни эфир сеткасига жойлаштирар экан “Ўликнинг табриги” деган жумлани ишлатди. Зотан эфир сеткасидаги “Табриклар” деган жойга илк бор таъзия эълони қўйилаëтган эди.

Тақдирнинг ҳазили билан, на ўлик, на тириклиги айтилаётган президентнинг навбатдаги табриги қисқа муддат бўлсада омма кўзига чалинди ва тезгина олиб ташланди, бироқ ундан бир скриншот қолди, шуни сиз билан баҳам кўрамиз.

Қудрат Бобожон
Eltuz.com

Тағин ўқинг
26 март 2022
Ўзбекистонда 1995 йилнинг мартида президент ваколатини узайтириш учун референдум ўтказилган эди. Ислом Каримовнинг президентлик ваколатини 2000 йилга қадар узайтирган ...
16 январ 2017
Ҳар нарсадан ҳикмат излайдиган халқмиз. Аввалги президентнинг ҳар бир гапидан ҳикмат излайвериб чарчамаган эканмиз шекилли, Тошкент давлат ўзбек тили ...
11 декабр 2015
Улуғбек Ашур Eltuz.com Бугунгача олинган маълумотларга кўра, Арамаис Авакян ва унинг 4 нафар ўртоғига “Ўзбекистон Республикасининг конституциявий тузумига тажовуз ...
19 август 2018
2000 йилнинг октябри охирларида Муҳаммад Бекжонни ИИВ ертўласидаги 14-камерага олиб келишади. Уни Тошкент портлашлари юзасидан судда гувоҳлик беришга «махсус ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...