Асосий мавзулар
16 октябр 2019

Матбуот ҳимоясидаги истисно

Саида Мирзиёева “ОАВни ҳақиқий тўртинчи ҳокимиятга айлантириш йўлимиздан қайтмаймиз”, дея бонг ураётган бир пайтда отасининг шотирлари мустақил журналистни адолат истаганларнинг хатти-ҳаракатини ёритгани учун жиннихонага тиқиб ўтирибди.

Умуман, Ўзбекистонда ОАВ эркинлигига бағишланган халқаро давра суҳбати ўтказилгани яхши бўлди. У ерда кўтарилган масалалар журналистлар эркинлиги кенгайишига хизмат қилишини ҳам тахминлаш мумкин.

Лекин шундай анжуман ўтказилаётган бир пайтда мамлакатнинг бир блогери сиёсатга мақбул бўлмаган ишларни оммага етказгани учун руҳий касалликлар шифохонасида ўтиргани бундай некбинликка соя солиши турган гап.

Энг афсусланарлиси, давра суҳбатида бу блогернинг тақдири масаласи кўтарилмагани кишини ўйлантиради.

Ҳар ҳолда маҳаллий матбуотда бу масала хусусида бир оғиз сўз ўқимадик. Балки айтилган бўлса ҳам уни ёритишга журъат бўлмагандир. Яна худо билади…

Ҳатто халқаро анжуманда қатнашиб, ўзига нисбатан бўлаётган таъқиб ва тазйиқлардан ҳимоя истаган бошқа бир журналист ва блогернинг бу истаги ҳам истисно билан қабул қилинди.

Хусусан, Ўзбекистон матбуотининг бугунги “отаси” Комил Алламжонов бу масалада гапни “Журналист ва блогерлик — ҳамма нарса мумкин дегани эмас. Унинг ҳам қонун-қоидаси бор”, дея бошлагани ортида ана шу истисно мана-ман деб кўриниб туради. 

Унинг “Лекин барча қонунларга ва белгиланган этика меъёрларига риоя қилган ҳолда ишласангиз-у, сизга нисбатан адолатсизлик ва тазйиқлар бўлса, унда сизни албатта ҳимоя қиламиз”, деган ваъдаси юқоридаги гапи каби тарози босмайди. 

Зеро, ҳимоя истаган журналист ва блогер шу пайтгача қонунбузарликлар ва “белгиланган этика меъёрларига риоя қилмаслик” борасида танилмаган.

Унинг биз билган ягона қуроли тўғри сўз ва адолатни қарор топтиришга уринаётган қаламидир.

Қолаверса, истиснода хоразмлик блогер қиз Шабнам Оллошукурованинг тақдирига ишорани ҳам кўрсангиз бўлади агар истасангиз.

Зеро, қонунларнинг қандай татбиқ этилиши, “этика меъёрлари”нинг меъёри даражаси юксак мартабали амалдорлар ва кучишлатар тизимларнинг хоҳиш-иродасига боғлиқ экан, ҳали Ўзбекистонда тўла эркин матбуотга йўл берилиши жуда қийин.

Журналистларни “дўст” ва “душман” тоифаларига бўлган ҳолда кўришга чек қўйилмаса ҳам шу аҳвол давом этаверади. 

Чунки бундай тоифалар ҳам яна ўша амалдорлар хоҳиш-иродасига кўра ажратилади. Бундан эса яхшилик кутиш ярамайди.

Eltuz.com

Тағин ўқинг
23 октябр 2017
Ўзбекистон парламенти спутник ликобчаларини ўзбошимча ўрнатишни тақиқловчи қонун лойиҳасини тақдим қилди. Бу ҳақда 12 октябр куни ЎзА агентлиги хабар ...
1 октябр 2015
Мажбурий пахта терими ҳажв қилинган “Темир хотин” фильмини суратга олган Исамат Эргашевнинг ўзи ҳам пахта даласига сафарбар этилди. Озодлик ...
29 октябр 2015
Ҳуқуқ ҳимоячисининг ўзи ёнғин чиққан пайт уйида бўлмаган. Бу ҳақда у бир неча кун кейин билган. “20 октябр куни ...
8 январ 2017
“Истанбул хавфсизлик идораси бу исқиртни “ўзбек” деб айтди, бундан олдин қирғиз ва уйғур деган гапни айтган эди”, дея ёзди ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...