Асосий мавзулар
26 сентябр 2016

“Делетант”ларга дилетантларча жавоб

Олий Мажлис палаталарининг қўшма қарори билан амалдаги бош вазир, мустақил кузатувчилар фикрича, ноқонуний тарзда президент вазифасини бажарувчи этиб тайинланишини хаспўшлашга уринишлар давом этмоқда.

“Кун.ўз” сайтида эълон қилинган мақолада муаллиф бундай фикр билдираётганларни “делитант экспертлар”, деб атайди.

Ҳа, ҳа, мақола муаллифи юридик фанлар номзоди Шухрат Расулов “дилетант” сўзини “делетант” тарзида ифодалайди.

Бунинг устига, мақолада камида бешта жойда келган бу атама гоҳ делетант, гоҳ делитант тарзида ифодаланган.

Олимнинг жавоби “илмий-назарий асос”га эга эканлигига шак келтирмаган Кун.уз нашри имло хатоларини ўз ҳолича қолдирган.

Шунингдек муаллиф, Олий Мажлис қарорини асослаш учун рус олими Н.М.Коркуновнинг фикрларига таянишни мақсадга мувофиқ ҳисоблайди.

“Олим ўтган асрнинг охирларидаёқ давлат бошлиғининг одатий фармонлари билан фавқулодда фармонларини фарқлай билишни таклиф этган.

Олимнинг фикрига кўра, фавқулодда фармонлар қонун билан тартибга солинадиган масалалар бўйича ёхуд қонунни бекор қилиш бўйича чиқарилади. Фавқулодда фармонни чиқариш аслида зарурат тақозоси билангина оқланиши мумкин бўлган ҳуқубузарликдир…. Бироқ бундай фармонлар муваққат хусусиятга эга бўлиб, фавқулодда фармон билан белгиланган чоралар қонун чиқарувчи органга кўриб чиқиш учун тақдим этилиши керак”, деб ёзади муаллиф.

У президентнинг бевақт вафоти ва бу ҳолатда Сенат раисининг президент вазифасини вақтинча бажаришдан воз кечиши ва ушбу ваколат бош вазирга юклатилишини Коркуновнинг фавқулодда фармон ҳақидаги илмий фикрларига мос келади, дея иддао қилади.

“Делетант”(?)ларга зарба беришга отланган муаллиф ўзбек қонунчилигида “зарурат тақозоси”, “фавқулодда фармон”, “халқнинг хоҳиш-иродаси” каби ҳуқуқий тушунчалар йўқлигини била туриб, дилетантларча жавоб қайтарганини фақат қонунбузарликни, қолаверса ўз саводсизлигини оқлашга уриниш, деб баҳолаш мумкин назаримизда.

Eltuz.com

Тағин ўқинг
8 ноябр 2017
Россиянинг “Родина” партияси, “Ватан йўлбарслари” ёшлар қаноти ва “Россия миллий-ватанпарварлари” жамоатчилик ташкилоти фаоллари Москва шаҳри маъмуриятининг Ўзбекистоннинг марҳум президенти ...
6 феврал 2017
Таниқли маҳаллий журналист Тошпўлат Раҳматуллаев “Новости Узбекистана” сайти орқали ўзининг Самарқандда электр таъминотидаги тўхтовсиз узилишлар ҳақида ёзган “Самарқандни зулмат ...
25 июн 2018
Ўзбекистон халқ рассоми Баҳодир Жалоловнинг Қўқон театри деворига ишланган “Ғарб ва Шарқ учрашуви” дея номланган фрескаси Қўқон шаҳри амалдорлари ...
27 феврал 2017
Ҳокимиятни оилавий бошқариш минтақада урфга айландими? 21 феврал куни, Озарбайжон президенти Илҳом Алиевнинг хотини Меҳрибон ўз эрига биринчи вице-президент ...
Блоглар
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...