Асосий мавзулар
11 октябр 2016

Қўрқмаслар: “Ўзбек режими посбонлари бу сафар ҳам мақсадига эриша олгани йўқ!”

Мажбурий меҳнат мониторинги билан шуғулланаётган “Қўрқмаслар” гуруҳи фаоли Малохат Эшоқулованинг eltuz.com мухбирига берган интервьюсига кўра, уларни чўл зонасидаги “Қирлишон” қишлоғи ҳудудида ушлаган милиция ходимлари қаттиқ босим остида ТИИБ бўлимида ушлаб ўтиришган.

Чўл зонасидаги плантацияларда ишлаётган ўқитувчи ва шифокорлар милицияни ўта қатъий назорати остида ўзбек фаоллари эътиборидан яширишга уриниб келинади.

Эшонқулованинг билдиришича, улар тарқатаётган мажбурий меҳнатга қарши варақалар жиноят далили сифатида кўрилган ва ҳатто блокнотларигача тортиб олинган.

Ҳуқуқ фаоллари Ўзбекистон Меҳнат вазирлиги ва Касаба уюшмалари чоп қилган айни варақаларни далаларда тарқатганлари учун ушланишган.

Бу варақаларда одамларни мажбурий меҳнатга жалб этиш қонунга кўра тақиқланиши билдирилган.

Урлаева ва Эшонқулова ўтган йили ҳам пахта теримидаги мажбурий меҳнат бўйича мониторинг ўтказишаётганида бир неча бор ушланишган эди.

Ўтган йили хоразмлик милиционерлар Малохат Эшонқулова ва Елена Урлаеваларни таҳқирли тарзда тинтув қилишганди.

Бу йил эса бухоролик милиционерлар уларни тағин ечинтириб тинтув қилишган.

Ҳуқуқ фаолларини соат 12.20 дан кечки 22.00га қадар ушлаб ўтиришган.

Босим оқибатида Ҳуқуқ фаолларининг тоби қочиб қолган ва Елена Урлаева учун “Тез ёрдам” чақирилган.

Сиз кўраётган бу суратлар 9 октябр куни Малохат Эшонқулова ва Елена Урлаевалар томонидан пахта далаларида суратга олинган.

“Ўзбек режими посбонлари ҳақиқатни яширишга ҳарчанд уринишмасин, бу сафар ҳам улар ўз мақсадларига эриша олганлари йўқ”, дейди Малохат Эшонқулова.

Eltuz.com

Тағин ўқинг
23 май 2018
Президент Мирзиëев 22 май куни Тошкентда Россия мудофаа вазири Сергей Шойгу билан ёпиқ эшиклар ортида гаплашди. Бир соатдан ортиқ ...
25 сентябр 2017
Улуғнор тумани раҳбарлари пахта режасини талабаларсиз энди қандай тўлдириш ҳақида қайғуришмоқда. 22 сентябрь куни андижонлик талабалар пахта йиғим-теримидан қайтишди. ...
15 декабр 2016
Ўзбек фаоллари бу пулларни коррупция жабрдийдалари бўлган Ўзбекистон халқига қайтарилишини исташмоқда. Электрон петицияни шу ерда имзолашингиз мумкин. Ўзбекистон телекоммуникация ...
17 апрел 2018
Ўзбекистон президентининг диний-маърифий соҳа фаолиятини тубдан такомиллаштириш чора-тадбирлари тўғрисидаги фармонида соҳа ривожининг устувор йўналишлари хусусида тўхталиб ўтилган. Фармондан иқтибос: ...
Блоглар
3 июн 2019
28 май куни Тошкентда ўтган конференцияда президентнинг тўнғич қизи Саида Мирзиёева маҳаллий оммавий ахборот воситаларининг ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
16 май 2019
Ҳақиқатга қайси томонидан қарасанг ҳам бир хил кўринади, дейишади. Маҳмуд Ражаб -шоир, ёзувчи, шу миллатнинг ...