Асосий мавзулар
1 декабр 2016

Отамуродов: Биз ҳеч кимнинг маданиятига муҳтож эмасмиз!

«Миллий тикланиш» газетаси (30.11) шу номдаги партиядан Ўзбекистон президентлигига номзод этиб кўрсатилган Сарвар Отамуродовнинг сайловолди учрашувлари якунига бағишланган каттагина интервью-мақолани чоп этди.

Интервьюни С.Отамуродов сайловолди учрашувларида «одамларнинг юзу кўзида ўз ҳаёти ва турмушидан, юртимизда амалга оширилаётган ислоҳотлардан мамнун экани яққол сезилиб тургани, энг муҳими, халқимиз эртанги кунига ишонч ва катта умидлар билан қараётгани» ҳақидаги баланпарвоз сўзлар билан бошлаган.

Мухбир номзоддан нега унинг дастурида маънавий-маърифий соҳа биринчи ўринга қўйилгани тўғрисида сўраганда у ҳозир ўзбек матбуоти оғзидан тушмаётган қуйидаги умумий сўзлар билан жавоб берган: «Ғоявий кураш ва мафкуравий таҳдидлар кучайиб бораётган ҳозирги бир шароитда биз ўзимизни, халқимизни ҳимоя қила оладиган мафкуравий иммунитетни янада кучайтириб, миллатнинг ўзига хослигини, бой маданий ва тарихий меросимизни, қадрият ва анъаналаримизни кўз қорачиғидек асраб, унинг ҳаётимиз аъмолига айлантириш муқаддас бурчимиздир».

Номзод бу масалада «биз ҳеч кимнинг етовига, «маданияти», «замонавий анъанаси»га муҳтож эмаслигимиз»ни эслатиб ўтган.

Мухбирнинг савол оҳангидаги кейинги сўзлари номзод билан учрашган халқ аслида унинг маънавий-маърифий мавзудаги сафсаталарига беэътибор бўлганини ошкор этиб қўяди.

«Сайловчилар билан учрашувларда сизга берилаётган саволларни таҳлил қилар эканмиз, уларнинг аксарияти иқтисодий ва ижтимоий масала ва муаммоларга қаратилганига гувоҳ бўламиз», дейди мухбир.

Бу таъкиднинг ўзиёқ халқ қандайдир ҳавойи гап-сўзлардан эмас, балки қорнини тўйдирадиган, устини бут қиладиган масалалардан манфаатдор эканини кўрсатади.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
9 апрел 2018
«Ўзбекконцерт» давлат муассасасида 30 март куни муҳокама этилган тўйларни ихчамлаштириш ҳақидаги Сенат қарори тасдиғи номаълум муддатга қолдирилган эди. Eltuz.com
18 январ 2022
Тармоқда икки тоифа муллалар бир-бири билан қирпичоқ бўлмоқда. 1-тоифа: Ҳукумат ва ДХХ йўриғида юриб чизиқдан чиқмайдиган «мўътадиллар» 2-тоифа: ИШИД ...
3 сентябр 2018
Ислом Каримовнинг ўлганига икки йил бўлиши билан Ўзбекистон ҳукумати марҳум президентнинг шиорлари, расмлари ва китобларини йўқ қилиш кампаниясини бошлади. ...
26 август 2022
30 йилдирки саргардонликда, аввал Норвегияда кейин Туркияда яшаётган Муҳаммад Солиҳ янги куллиёти – асарлар тўплами устида ишламоқда. Унга бир ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...