Асосий мавзулар
20 декабр 2016

Ваъда қилинган машина терими ўрнига муносабатбозлик

Маҳрум президент Ислом Каримовнинг ҳар бир чиқиши, ваъдалари ортидан халқнинг турли қатлами вакилларининг бу чиқишларга муносабат билдириши совет давридан қолган мазкур анъананинг умри узайишига хизмат қилиб келаётган эди.

Янги президентнинг чиқишлари ортидан ҳам маҳаллий нашрларда муносабатбозлик авжига минди. Хусусан, Шавкат Мирзиёевнинг Конституция кунига ва президент лавозимига киришишга бағишланган тантанали маросимлардаги маърузалари ортидан газеталар саҳифа-саҳифа муносабатларни чоп этмоқда.

«Адолат» газетасида (16.12) эълон қилинган ана шундай муносабат мақолаларнинг бирида шу номдаги партиянинг парламентдаги депутати кўпчилик биладиган, лекин очиқ айтилмайдиган бир ҳақиқатни ошкор қилиб қўйган.

Бу мақолада депутат Қонунчилик палатасига ташаббус ҳуқуқи асосида киритилаётган қонун лойиҳаларининг асосий қисми Вазирлар Маҳкамаси томонидан киритилаётганини тан олган.

Яъни у халқ сайлаган депутатлар ҳукумат тайёрлаган қонун лойиҳаларини тасдиқлаш билан банд эканини, уларнинг ўзлари қонунчилик ташаббуслари борасида деярли иш қилмаслигини айтиб қўйган.

«Ўзбекистон овози» газетаси ҳам ўз муассиси бўлмиш Халқ демократи партияси фаолларининг Ш.Мирзиёев маърузаларига қатор муносабатларини эълон қилди.

Бу фаоллар янги президент тилга олган масалаларнинг «долзарблиги» ҳақида тўлиб-тошиб гапириб, мазкур маърузалардан келиб чиқадиган «вазифаларни белгилаб олиш» билан машғул шу кунларда.

Энг қизиғи, улар аввалги президентнинг маърузаларидан «келиб чиқадиган вазифалар»ни ҳам жуда тез белгилаб олар, аммо бу вазифалар ижро этилмай қолиб кетаверар эди.

Шунинг учун халқда бу фаолларнинг Ш.Мирзиёев кўтараётган масалаларни ечиш ваъдаларига нечоғлик ишониш мумкин, деган истиҳола пайдо бўлиши табиийдир.

Айни пайтда Мирзиёевнинг ўзи ҳам ваъдасининг устидан чиқиши билан мақтана олмайди. Уч йил аввал у, 2016 йилда пахтанинг 90% машиналарда терилишини ваъда қилган эди.

Бироқ пахта ҳамон ваъда қилинган машиналар ўрнини босаётган минглаб талабалар ва давлат муассасалари ходимлари қўли билан терилмоқда.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
3 апрел 2019
Бу 1973 йил 3 апрелда Нью-Йоркда, ҳайрат билан қараб турган одамлар кўз ўнгида рўй берди. Motorola ширкати ходими Мартин ...
7 апрел 2021
Самарқандлик ёзувчи ва журналист Каримберди Тўрамурод faceebook саҳифасида унинг асарларини ўғирлаб, ўз номидан эълон қилаётганларга ҳеч қандай чора кўриш ...
12 октябр 2018
Женеванинг Lombard Odier банки сейфларидан топилган ва Гулнора Каримовага тегишли экани айтилаётган қимматбаҳо заргарлик буюмларининг қиймати 38 миллион франкка ...
12 май 2015
«Ака буни унутиб бўлмайди, хали хеч ким унутгани йўқ. Ёш бола хам билади. Ўққа тутилган машиналар хам хамон 25 ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...