Асосий мавзулар
20 январ 2017

Ўзбекистон инсон ҳуқуқлари кафолатлари билан мақтанмоқда

“Халқ сўзи” газетасида (18.01) Ўзбекистон инсон ҳуқуқлари миллий маркази раисининг инсон ҳуқуқлари тўғрисидаги халқаро пактларнинг 50 йиллигига бағишлаб Москвада бўлиб ўтган илмий-амалий конференция тўғрисидаги мақоласи эълон қилинди.

Муаллиф Ўзбекистон инсон ҳуқуқлари борасидаги кўплаб халқаро ҳужжатларга қўшилганини таъкидлар экан, бу борадаги “ютуқлар”ни эринмай санаб ўтади.

Шулар қаторида “бош вазирнинг виртуал қабулхонаси катта қизиқишга сабаб бўлгани”ни таъкидлайди.

Муаллиф ўз мақтовларини тадбир иштирокчиларининг фикрлари билан мустаҳкамлашга ҳаракат қилади.

Хусусан, унинг ёзишича, Қийноқлар ва ғайриинсоний ёки камситиб муомала қилиш ёки жазолашнинг олдини олиш бўйича Европа қўмитаси аъзоси О.Ноянова “Ўзбекистон Марказий Осиёда биринчилардан бўлиб инсон ҳуқуқлари миллий институтлар тизимини яратгани”ни қайд этган.

Инсон ҳуқуқлари бўйича БМТ Бош комиссари бошқармасининг Европа ва Марказий Осиё сектори мудири Х.Цедева эса Ўзбекистон президентнинг суд-ҳуқуқ тизимини ислоҳ қилишга оид фармони “судларнинг ҳақиқий мустақиллиги ва эркинлигини таъминлашга йўналтирилган”ини билдирган.

Албатта, бу арбоблар Ўзбекистонда “биринчилардан бўлиб яратилган инсон ҳуқуқлари миллий тизими” аслида қоғоздагина инсон ҳуқуқларини ҳимоя қилиши, судлар эса ҳокимиятдан норозиларни жазолаш воситаси бўлиб қолаётганини билмайди, дейишга бизда асос йўқ.

Агар шундай бўлган тақдирда уларга “Ҳьюман райтс уотч” ташкилотининг дунёда инсон ҳуқуқларига оид яқинда эълон қилинган ҳисоботини ёки мустақил ОАВда мамлакатда ноҳақ қийноқлар натижасида ўлганлар, адолатсизлар қурбони бўлаётганлар тўғрисида эълон қилинган мақолаларни ўқишни маслаҳат берган бўлардик.

Масалан, ўтган йилнинг августида бухоролик тадбиркор, ака-ука ибодовлар ҳибсга олинган, кейинчалик Илҳом Ибодов МХХ ходимлари томонидан қийнаб ўлдирилган эди. Унинг акаси Раҳим Ибодов ҳамон қамоқда қолмоқда.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
23 май 2019
Бугун Туркистон халқининг миллий озодлиги учун курашган Мунавварқори Абдурашидхоннинг НКВД жаллодлари томонидан ўлдирилган кундир. Мунавварқори 1878 йили Тошкентда туғилди. ...
2 март 2018
19 йиллик тутқунликдан кейин “Эрк” демократик партияси фаоли 54 ёшли журналист Юсуф Рўзимуродов 22 февраль куни Чирчиқ қамоқхонасидан озод ...
22 феврал 2018
Жиззахлик олти нафар фаол 21 февраль куни итларга қарши террорни тўхтатишни талаб қилиб, жамоатчиликка ва ҳукуматга мурожаат қилди. Жониворлар ...
30 июн 2017
Ўзбекистон халқ артисти Озодбек Назарбеков 30 июн куни “Ëшлар” телеканалига Бош директор этиб тайинланди. Бу ҳақда президент Мирзиёев “Камолот” ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...