Асосий мавзулар
24 феврал 2017

Цензорнинг эркинликка чорлови

Сўнгги вақтларда ўзбек матбуотида илгари тилга олинмаган мавзулар кўтарилаётганига бир неча марта эътибор қаратгандек.

«Оила ва жамият» газетасида (22.02) «Ўзбекистон овози» газетаси бош муҳаррири Сафар Остонов билан суҳбатни ўқиб, айнан матбуот эркинлигига ўз таъсири доирасида тўсқинлик қилиб шахслар бугун яна қаҳрамонлик даъвосини қилаётганига далил топгандек бўлдик.

Чунки «Ўзбекистон овози» газетасини кузатиб борсангиз, у нафақат кечаги кунларда ўзбек матбуотининг энг ёмон кўриниши намунаси бўлганини, балки бугун ҳам қарийб ўша аҳволда эканига гувоҳ бўласиз.

Аммо «Оила ва жамият» мухбири билан суҳбатда бу бош муҳаррир худди эркин матбуот тарғиботчисидек таассурот уйғотишга ҳаракат қилган, лекин илк гапларининг ўзиёқ унинг аслида бунга қарши эканини кўрсатиб қўйган.

«Биринчи президентимиз Ислом Каримов раҳбарлигида олиб борилган кенг кўламли ислоҳотларни бугун янада катта талаб ва масъулият билан давом эттиришни ҳаётнинг ўзи талаб қилмоқда», деб гап бошлаган бу «матбуот дарғаси».

Аслида И.Каримов ҳукмронлиги ўзбек матбуотини бичиб қўйгани, уни абгор қилганини бу «мутафаккир» билмайди деб ўйлайсизми? Билади. Билгани-ку майли, бу сиёсатни амалга оширувчилар сафида туради.
Шунинг учун интервьюда ҳам у умумий гаплардан нарига ўтмайди, сихни ҳам, кабобни ҳам куйдирмайдиган фикрларни қаторлаштириб ташлайди.

Бош муҳаррир сўзларига озгина залвор бериш учун: «Илгари «Журналист суриштируви», «Суд очерки» деган жанрлар бор эди, бугун йўқолиб кетди», деб ҳаммага маълум гапни қистириб ўтади ва «журналистларимиз ижтимоий муаммоларни кам кўтарадиган бўлиб қолди», дея ёзғиради.

Ўзбек матбуоти танқид қилинганда «бугун бош муҳаррирлар ҳам, журналистларнинг ўзи ҳам цензор бўлиб кетди» қабилидаги фикрлар билдирилади.

Энг қизиғи, ана шундай цензор вазифасини ўтаб келганлар бугун матбуот эркинлиги ҳақида бошқаларга ақл ўргатмоқда. Улар янада бош қаҳрамон ролига даъвогар бўляпти.

Шундай экан, бундай «қаҳрамонлар»га яна бош рол таклиф этилаётган юртимизда матбуотнинг эркинлашувига қанчалик ишониш мумкин?

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
10 октябр 2016
Бош вазир ва вақтинчалик президент Шавкат Мирзиёевнинг келиши олдидан унинг йўлларига янги асфальт солиниб, гуллар ўтқазилишидан ташқари бозордаги нархлар ...
18 июл 2022
Бўстонлиқ тумани «Хўжакенттепа шаҳристони» археология ёдгорлиги ҳудудида ноқонуний қурилиш ишлари олиб борилаётгани билан боғлиқ вандализм воқеасини Бўстонлиқ тумани прокуратураси ...
2 октябр 2015
Каримовнинг мухолифи бўлган Муҳаммад Солиҳнинг машҳур сатрлари бор, – “Озодлик – ҳаёлларнинг энг гўзалидир, орзуларнинг энг юксагидир” деган. Мен ...
19 декабр 2019
Британиянинг нуфузли The Economist  журнали Ўзбекистонни «2019 йил мамлакати» деб эълон қилди. Нашр сўнгги йилларда мамлакатда муҳим ислоҳотлар амалга ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...