Асосий мавзулар
20 ноябр 2021

Тошкентлик рассомнинг бензин мавзуидаги асари яратилган куни йўқ қилинди

Жорий йилнинг 19 ноябрь куни ўзбекистонлик рассом, 33 ёшли граффити устаси Абдураҳмоннинг бензин нархлари ошганига оид  янги асари пайдо бўлди ва кўп ўтмай ўчирилди. Парвона каби умри қисқа бўлди парвона ва бензин худкуши акс этган расмнинг.

Тошкентнинг Учтепа туманида “Ўзбекнефтгаз”га қарашли ёқилғи қуйиш шохобчаси яқинидаги бино деворига ишланган бу галги расмда бензин тўппончасини пешанасига тираб отаётган, ўзбек дўпписидаги одам акс этган эди.

Бироқ деворий расм шу куниёқ, орадан бир неча соат ўтмай, усти оҳак билан оқланиб, ўчирилди. Тармоқда бўёқ ортида қолган расм излари фотоси қўйилди. Рассомнинг телеграмдаги саҳифасида эса бу юзадан бирор маълумот қолдирилмаган.

Эслатиб ўтиш жоиз, бундан илгари Тошкентда Абдураҳмоннинг Ўзбекистондаги автомобиль бозори монополиясига бағишланган расми ҳам ўчирилган, бироқ кейингисидан сал узоқ “умр кўрган” эди.  

АҚШнинг Тошкентнинг Чилонзор даҳасида жойлашган собиқ элчихонаси деворида шу йилнинг 3 сентябрида рассомнинг автомобиль хариди учун турнақатор навбат акс этган асари пайдо бўлган, бироқ кўп ўтмай у ҳам ўчирилган эди.

Жорий йилнинг 27 июнь куни пойтахтнинг Чилонзор туманидаги бинолардан бирининг деворига Леонардо да Винчининг стрит-арт услубида ишланган “Мона Лиза” асари ўчириб ташланганди.

Тошкентлик кўча рассоми Абдураҳмоннинг 15 тадан ортиқ деворий расми ҳали ўчирилмаган, улар орасида ўзбек тили ҳимоясига бағишланган, қатағон қурбонлари Абдулла Қодирий, Абдурауф Фитрат ва Чўлпонларнинг деворий портретлари бор.  

#Inkuzart хештеги ва ғамгин парвона тимсоли остида Тошкент деворларига расм чизаётган Абдураҳмон айни тарздаги кўча расмлари билан машҳур рассом Бенкси каби ўз шахсини тармоқда очиқлашни истамайди.

Eltuz.com  

Тағин ўқинг
3 август 2020
Ўзбекистонда соғлиқни сақлаш тизимидаги вазият ёмонлашган бир пайтда Тошкент шаҳри ҳокими билан боғлиқ хусусий университет тўғрисидаги давлат ҳужжатлари ғазаблантирмоқда. ...
19 декабр 2019
Ўзбекистонда аҳоли ўртасида 22 декабрь кунига белгиланган сайлов шаффоф, холис ва адолатли ўтишига ишонч анча сустлигини кузатиш мумкин. Бош ...
26 сентябр 2016
23 сентябр куни президент вазифасини вақтинча ижро этувчи Шавкат Мирзиёев томонидан имзоланган қонун Ўзбекистонда энг йирик молиявий пирамида қургани ...
16 октябр 2017
Ўзбекистон президенти Шавкат Мирзиëев, Хива шаҳридаги «Ичан-қалъа» музей қўриқхонаси ҳудудидаги «Пахлавон Маҳмуд» зиëрат мажмуасига борганида, бу масканнинг таъмирланиши юзасидан ...
Блоглар
23 ноябр 2021
Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз ...
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим ...
11 ноябр 2021
Халқаро журналист «Агнешкахон воқеаси» кўп саволларга жавобларни очиб берди. Келинглар, жонажон аккредитациядан бошлаймиз. Айнан уларни ...