Асосий мавзулар
10 апрел 2017

Камбағаллик сабаби коммунал тўловлардан қарздорликми?

“Оила ва жамият” газетасида (05.04) “Нега топганимизда барака йўқ?” мақолани ўқиркан, журналист иддаосидаги турли парадоксларга дуч келдик. Мақола Ўзбекистондаги кўпларни қийнаётган камбағаллик – топиш тутишда бараканинг йўқлиги сабаблари ҳақида.

Сўнгги вақтларда журналистларнинг майда бўлса-да, айрим муаммоларни кўтариб чиқаётганига, халқ манфаатига алоқадар кичик-кичик мавзуларга қўл ураётганига кўзимиз тушаётгани учун “наҳотки бугунги Ўзбекистондаги иш ҳақлари камлиги, кишилар топганини эртасига етказа олмаётгани ҳақида ёзилган бўлса”, деган ўйда уни ўқишга тушдик.

“Кунни тунга, тунни тонгга улаб меҳнат қиламиз, на уйқумизда, на юриш-туришимизда ҳаловат бор. Аммо кўпчилик бири икки бўлмаётганидан нолийди”, дея бошланган мақолада орзу-ҳавасларнинг дақиқа сайин ўсиши, болалар катта бўлиб, харажатлар ҳам катталашиб бораётгани бунинг оддий сабаби экани таъкидланади.

Муаллиф барака йўқлигининг “жиддий сабаби”ни қарздорликка боғлагандан кейин юқорида миямизга келган ўйнинг асоссиз экани, журналистнинг мақсади аслида аҳолини қийнаётган масалани кўтариш эмас, кишиларни коммунал тўловларни ўз вақтида тўлашга ундаш экани маълум бўлиб қолди.

Мақолада иддао қилинишича, кўпчилик коммунал тўловларни қарз ўрнида кўрмайди. Аммо турли тадбирлар уюштириш, бировникидан дабдабали қилиб тўйлар ўтказиш учун пул топилади.

Мазкур иддаолар Ислом институти ўқитувчиси бўлган дин пешвосининг динимизда қарздорлик масаласида берилган кўрсатмалари билан мустаҳкамланади.

Тўғри, коммунал тўловларни ўз вақтида амалга ошириш керак. Лекин соҳадаги қарздорлик борасида гапирганда аравани қуруқ олиб қочиб, айбни халққа ағдаришдан олдин мазкур қарздорликка сабаб аҳолининг тўлов қобилияти пастлигини айтиш керак эмасмиди?

Кўпчилик қора қозонини қайнатишга қийналиб турган бир пайтда коммунал тўловлар нархи тинимсиз ўсиб бораётгани, иш ҳақлари ва бу тўловлар ўртасида мутаносиблик йўқлигини кўрсатиб бериш мантиқли бўлмасмиди?

“Иссиқ сув учун тўлаб қўй, газ учун тўлаб қўй, электр ҳақини эсдан чиқарма” қабилидаги чақириқлар ҳам матбуотда, ҳам телерадиоканалларда тинимсиз янграётган бир пайтда аҳолини бундай қарздорликка маҳкум этаётган асл сабаблар ҳақида очиқ-ойдин ёзилса, оқилона иш бўларди назаримизда.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
1 август 2018
Вазирлар Маҳкамасининг 2016 йил 5 февралдаги қарорига асосан, Соғлиқни сақлаш вазирлиги тизимидаги стационар даволаниш ва профилактика муассасаларида овқатланишни ташкил ...
3 ноябр 2015
Малоҳат Эшонқулова мустақил журналист Қашқадарёнинг қонун ҳимоячилари ўзларининг ғайриқонуний ишлари билан ҳамиша машҳур! Бу гал ҳам шундай бўлди! Вилоятнинг ...
1 август 2018
“Талқончи” нон ушатишда давом этади… Ўзбек маҳбуслари учун чақимчи камерадош билан яшаш қандай ёқимсиз… Собиқ сиёсий маҳбус Муҳаммад Бекжон ...
28 апрел 2020
Нацистлар Германияси иттифоқчиси, янги Рим империясини қуриш ғоясини илгари сурган Европанинг сўнгги диктаторларидан бири, дуче (доҳий) Бенито Муссолинининг ўлими ...
Блоглар
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...
20 октябр 2020
Бундан ўн йил илгари пойтахдаги ўртача иккита амалдор тушликка бир миллионга яқин пул сарфлашини эшитиб ...
15 октябр 2020
Ўнта роман ёзай, элликта шеърий тўпламим нашр этилсин, ёзганларим дунёнинг барча йирик тилларига таржима қилинсин, ...