Асосий мавзулар
4 июл 2018

Пулли шоу учун Регистон девор билан тўсилди

Самарқанддаги Регистон майдонида пулли 3D шоуни “бегоналар”дан тўсиш учун ўрнатилган девор ижтимоий тармоқдаги ўзбеклар ғазабини келтирди. Кириш чипталари маҳаллий халқ учун 2500, сайёҳлар учун 14000-16000 сўмдан пулланаётгани ҳақида тармоқда билдирилди.

Бу гаплар ниҳоят, аниқроғи, 3 июль куни Самарқанд вилояти ҳокими қулоғига етиб боргани ҳақида ёзишди.

“Ҳозиргина ажойиб хабар олдим. Вилоят ҳокими “Тошшаҳарнур”нинг ўзбошимчалигидан ғазабда ва яқин орада Регистонда қурилган шармандали тўсиқларни олиб ташлашаркан”, дея ёзди самарқандлик юзер Фотима Орифжонова.

Шармандали деворнинг қулатилиши ҳақидаги хабарни самарқандликлар “Ура!” садолари остида қаршилашди.

Аснода Ҳамза театрида такрор ва такрор қўйилган “Олтин девор” спектакли эсланди. Гўёки девор қулатилса, унинг тагига яширилган олтинлар халққа қайтарилади ёки олтинни чўнтакка урган коррупционерлар жазоланади.

Фақат Самарқандда “тарихий девор” қурилганидан, бунинг устига, унинг “Тошшаҳарнур” унитар корхонаси ҳомийлигида барпо этилганидан вилоят ҳокимининг бехабарлиги айримларни таажжублантирди.

“Бу қанчалик тўғри хабар”, “Ҳоким шаҳарда эмасмиди”, “У қайтиб келиб деворни кўрдими”, дея ёзишди скептик юзерлар.

Узоқ ва яқин тарихда шаҳар халқини душмандан ҳимоя қилиш учун деворлар қурилган.

Масалан, шуларнинг энг каттаси ва қадимийси Хитой девори. Сўнггиси эса 1961 йили СССР қурган ва 1989 йили қулатилган Берлин девори.

Берлин девори ҳам шаҳарни чет кишилардан тўсиш учун қурилганди. Ўзбекистоннинг Самарқанд шаҳри Регистонида 2018 йилнинг июлида қурилган девор эса, аксинча, шаҳар майдонини шаҳарликлардан тўсиб, пулдор чет кишиларга кўз-кўз қилиш учун қурилди.

Рассом Кирпи
Eltuz.com

Тағин ўқинг
15 март 2016
Туркия Президенти Ражаб Тойиб Эрдўғон камида 34 кишининг умрига нуқта қўйган Анқара портлашларидан сўнг “терроризмни тиз чўктириш”га ваъда берган ...
8 октябр 2018
Ўзбекистон президентининг матбуот котиби ва унинг маъмурияти раҳбари ўринбосари Комил Алламжоновнинг кутилмаганда лавозимидан озод қилиниши ортидан бу шахс тўғрисида ...
11 сентябр 2020
Яхши эркаклар қандай кўпаяди? Сарлавҳани эшитиб юзингизга табассум югурди ҳар ҳолда. Табассум ҳақида гапирсам.  Табассум артиллериядан ҳам, отлиқ аскарлар ...
6 апрел 2015
Ўзбекистон Инсон ҳуқуқлари маркази директори Акмал Саидов деярли 20 йилдан буён халқаро ташкилотларда Ислом Каримовнинг ҳимоячиси бўлиб чиқишлар қилиб ...
Блоглар
27 октябр 2020
Тўқсонинчи йилларда талаба эдим. Данғаралик таниқли журналист Шокирали Нуралиев: “Капитализм ҳуқуқсиз, ёлланма ишчиларни эзиб ишлатишдир. ...
26 октябр 2020
Ижтимоий тармоқларда популистлар томонидан Франция маҳсулотларига бойкот эълон қилиш ҳақида чақириқлар пайдо бўлмоқда. Келинглар, бу ...
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...