Асосий мавзулар
17 июн 2019

Ёлғон “операцияси” давом этади…ми?

Бош прокуратуранинг Андижонда беш нафар аёлнинг алдов қурбонига айланишига сабаб бўлган мутасаддиларни интизомий жавобгарликка тортиш ҳақидаги тақдимномаси аслида вилоят ҳокимини оқлашга ҳаракатдир.

Чунки алдовнинг бошида ҳокимнинг ўзи тургани ҳақиқатга яқин бўлиб, унинг бу ёлғонни хаспўшлаш учун қилган кенг кўламли саъй-ҳаракатлари шундан дарак беради.

Яқинда Бош прокуратура тарқатган баёнотда Андижон вилоятида президент ташрифи муносабати билан ташкиллаштирилган ўзига хос “спектакль” ўрганиб чиқилгани айтилади.

Айтиш керакки, бу баёнот президент ташрифи чоғида бешта аёлга коттеж берилгани ҳақидаги ёлғон маълумот тарқатилгандан кейинги шов-шувлар ортидан янгради.

“Ўрганиш натижалари юзасидан Бош прокуратура томонидан Андижон вилояти ҳокими номига зудлик билан айбдор шахсларнинг интизомий жавобгарлиги масаласини ҳал қилиш ҳамда бу каби ҳолатларга чек қўйиш чораларини кўриш тўғрисида тақдимнома киритилди”, дейилади прокуратура ахборотида. 

Аслида ёлғоннинг бошида вилоят ҳокимининг ўзи турган бўлса, нега яна унинг ўзига айбдорларни жазолаш тўғрисида тақдимнома киритилди, деган савол пайдо бўлиши табиий.

Ўзбекистондаги мавжуд тизим бундай “спектакллар” айнан юқори доиралар даражасида саҳналаштирилишини тақозо этади. Шунинг учун Андижондаги воқеа ҳам истисно эмас.

Президентнинг вилоятларга сафарига тайёргарликнинг ҳар бир босқичи вилоят ҳокими даражасида ва хавфсизлик хизматлари билан келишилган ҳолда тасдиқланиши муайян доираларга, жумладан, Бош прокуратурага ҳам сир эмас.

Шундай экан, президентни алдаш “операцияси” бошида вилоят ҳокими турганига шубҳа қилмаса ҳам бўлади.

Энди эса уни сувдан қуруқ чиқариб, унинг буйруғини бажарганларни жазолаш талаб этиляпти ва бу президентни алдашганини хаспўшлашга уриниш сифатида қабул қилиниши керак.

Вилоят ҳокими хаспўшлашни ўзининг ёлғони фош бўлгандаёқ бошлаганди. У бўлиб ўтган воқеани оддийгина қилиб “хато” дея атаганди. Ҳолбуки, оддийгина бу “хато” президентнинг халқ олдидаги имижи томирига урилган болта эди.

“Хол қўйган” ҳоким ўз кўзбўямачилигини яшириш мақсадида озмунча ҳаракат қилмадими. ЎзАнинг ўзи уни неча марта “оппоқ” қилиб кўрсатди.

Ишга солинган “қўлбола” журналистлар эса ҳокимнинг ёлғонини фош қилган хорижий ОАВларни “умумий душман”га ҳам чиқарди.

Лекин ҳақиқатни яширишнинг уддасидан чиқа олишмади. Энди буни Бош прокуратуранинг баёноти ҳам тасдиқламоқда.

Аммо бу баёнот ортидан жазони ёлғоннинг ташкилотчилари эмас, уларнинг буйруғини бажарганлар олиши аён бўлмоқда.

Бу тақдимномани “алдаш операцияси”нинг давоми сифатида кўриш тўғрироқ бўлади. Чунки эскисининг давоми бўлган мазкур “операция” ортидан кимдир жазоланади, аммо асл айбдорлар, яъни бош ёлғончилар жазоланмай қолаверади.

“Элтуз”нинг Ўзбекистондаги ҳамкори

Тағин ўқинг
23 сентябр 2022
Азиз оға ини, опа сингил қадрдонларим. Мана хафта айланиб, сиз билан биргаман. Кундузлари иссиқ бўлса ҳам, кечга бориб қиш ...
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида «Сарвиқомат дилбарим» фильмидаги ўпишиш саҳналари ва айрим титрлар кесиб ...
16 январ 2018
GM Uzbekistan ўзи ишлаб чиқарган автомобилларга акциз солиғи 5 баробардан зиёдроққа камайтирилганига қарамай, бу нархлар пасайишига сабаб бўла олмаслигини ...
7 декабр 2017
АҚШ Давлат департаменти; АҚШ Адлия департаменти; Бирлашган қиролликнинг Ҳамдўстлик ишлари ва ташқи ишлар вазирлиги. Марказий Осиёда инсон ҳуқуқлари уюшмаси, ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...