Асосий мавзулар
4 июл 2019

Суд хоразмлик журналистлар фойдасига якунланди

Фуқаролик ишлари бўйича Шовот туманлараро суди 3 июль куни ака- ука журналист Бобожоновлар даъвоси юзасидан Урганч тумани ҳокимлиги ҳамда Урганч тумани судьяси У.Машариповнинг ноқонуний хатти-ҳаракатлари ва қарорлари юзасидан судни журналистлар фойдасига якунлади.

Бу ҳақда «Симай» адвокатлик фирмаси вакили Умид Давлетовдан иқтибос келтирган урганчлик журналист Давлатназар Рўзметов ўз фейсбук саҳифаси орқали хабар берди.

“Суд жараёнида Урганч тумани ҳокимлигининг Шуҳрат ва Ғайрат Бобожоновларнинг шахсий уй-жойини тортиб олиш хусусидаги «буюртманинг ҳиди анқиган» даъво аризаси рад этилди. Ака-ука журналистлар судда узил-кесил ғалаба  қозонишди!” дея билдирди Давлатназар Рўзметов.

Жорий йилнинг 16 май куни Ўзбекистон Олий суди судьяси Акмал Муродов раислигида судья Наргиза Маҳкамова ва Муҳаббат Рабиева таркибида прокурор Жамшид Қўшимов журналистлар ака-ука Шуҳрат ва Ғайрат Бобожоновларнинг Урганч тумани марказидаги шахсий уйларини Фуқаролик кодексининг 191 моддасига биноан, уйларда ҳеч ким яшамаётганини даъво қилиб уйни давлат тасарруфига мусодара қилиш тўғрисидаги Урганч тумани судининг қарорини бекор қилиб, биринчи инстанцияда қайта кўриб чиқиш учун юборган эди.

Ундан илгари, 2018 йилнинг бошида Урганч тумани суди журналист Шуҳрат, Қудрат, Ғайрат Бобожоновларнинг уйларини мусодара қилиш ҳақида қарор чиқарган. Бу қарорни чиқарган судья Ўткир Машариповнинг ўзи кейин апелляция шикоятини кўриб чиқиб, уни ўз кучида қолдирган. Кейинги инстанцияда 1 февраль куни Олий суд судьяси Жамшид Тиркашев журналистлар аризасини рад қилиб ажрим чиқарган. Ажрим юзасидан журналистлар назорат тартибида Олий судга шикоят қилишган эди.

Eltuz.com

Тағин ўқинг
12 март 2020
Коронавирус: Фақат мен ҳақда гапирилмоқда! Йўтал, Тумов, Грипп: Бизни биров эсламайдиям… Рассом Кирпи Eltuz.com
20 декабр 2022
«Элтуз» порталига келган навбатдаги бешта шикоятни ўқиб эшиттирамиз. Дастлабки шикоят Самарқанддан. Янги трансформатор ўрнатилганига қарамай, айрим ҳудудларда ҳануз чироқ ...
1 феврал 2017
Ўзбекистоннинг иккинчи презденти Шавкат Мирзиёев, 30 январида давлатнинг буюк рахбари Ислом Каримов туғилган кунини нишонлаш ҳақида қарор имзолади. Афсуски, ...
13 январ 2017
Каримов ўлимидан сўнг кенг урф бўлган Виртиуал қабулхона ортидан, ҳар бир туманда Халқ қабулхоналари ташкил этила бошланди. Халқ қабулхонасида ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...