Асосий мавзулар
26 апрел 2018

Кўзи кўрмай қолган маҳкум Акром Малик ҳамон қамоқхона тиббиёт қисмида қолмоқда

Оҳак зарраларидан кўзлари шикастланган, давлат тўнтаришида айбланиб қамалган 28 ёшли тошкентлик блогер ва ёш олим Акром Малик ҳамон қамоқхона тиббиёт қисмида қолмоқда.

Маҳкумнинг отаси Абдукарим Маликов «Элтуз» мухбири билан суҳбатда ҳақиқатан ҳам ўғлининг кўзига оҳак сачраб шикастлангани ва тиббиёт қисмига ётқизилганини тасдиқлади.

Абдукаримнинг сўзларига кўра, ўғлининг аҳволи анча яхши, бироқ ҳамон уни қамоқхонанинг саноат зонасига ишга чиқаришмаяпти. У охирги бор ўғли билан 12 апрелда кўришганини билдирди. Унинг сўзларига кўра, ҳозир ҳам ўғли қамоқхона шифохонасида даволанмоқда.

«Аҳволи анча яхши, лекин тиббиёт қисмидагилар ўғлингиз дам олиши керак экан, деб айтишди», деди Акромнинг отаси «Элтуз» мухбири билан суҳбатда.

Акром Маликнинг отаси бу ҳақдаги хабарларнинг матбуотга чиқиб кетганидан норози эканини билдирди.

«Илтимос, сизлар аралашманглар. Керак бўлса, чиқамиз сизларга. Ўғил меники. Бу ерда мен борман, ҳукумат бор», деди у «Элтуз» мухбирига.

Маҳкумнинг аҳволи отаси ўйлаганидан жиддий бўлиши мумкин

Акром Маликнинг кўзи кўрмай қолгани ҳақида илк бор 22 апрель куни хабар тарқатган мустақил журналист Малоҳат Эшонқулова унинг аҳволи анча жиддий бўлиши мумкинлигини билдиради.

«Аксинча бўлганида уни шунча вақт тиббиёт қисмида ушлаб туришмасди. Кейин охирги бор уни отаси 15 кун бурун кўрган, воқеа ундан ҳам олдин содир бўлган», деди Эшонқулова.

Малоҳат Эшонқулованинг билдиришича, Маликнинг кўзи кўрмай қолгани ҳақида унга 22 апрель куни телефон орқали Акром Маликнинг амакиси хабар берган эди.

Акром Малик Навоий шаҳридаги 64/29-колониясига қарашли ишлаб чиқариш зонасида оҳактошларни қоплаш билан шуғулланган, оҳак зарралари сачрагани оқибатида кўзи кўрмай қолган.

Эшонқулова Акром Маликнинг ҳақиқий аҳволини билишнинг ягона йўли унинг олдига мустақил адвокат киритишдир, деб ҳисоблайди.

«Яқинлари унга қамоқда яна ҳам кўпроқ азоб етказмасликлари учун у ерда бўлаётган гапларни ташқарига чиқармасликка ҳаракат қилишади», дейди у.

Сўзининг исботи учун 2016 йил ҳибсга олинган Акром Малик ҳақида яқин кунларгача унинг оила аъзолари индамай келишганини билдиради.

МХХ тажовузкорга айлантирган ёш блогер олим

2018 йилнинг январида давлат тузумини ағдаришда айбланиб, 6 йилга қамалган Акром Маликов бошқа бир ўзбек блогери Бобомурод Абдуллаевга қарши очилган машҳур жиноят иши фигуранти ҳамдир.

Абдуллоҳ Нусрат тахаллуси остида қатор танқидий мақолалар ёзган блогер 2016 йилнинг 22 июлида ҳибсга олинган, кейинчалик Жиноят кодексининг 159-моддаси – конституциявий тузумга тажовуз қилиш ва 244-моддаси – жамоат хавфсизлигига хатар солувчи материаллар тайёрлашда айбдор деб топилганди.

Акром Малик нафақат блогер, балки ёш адабиётшунос олим, Навоий шеърияти билимдони ҳамдир.

Ўзбекистон Миллий университети магистри ўлароқ, у Навоий ижодига бағишланган бир қанча илмий асарлар ёзган.

Eltuz.com

Тағин ўқинг
6 октябр 2016
Сўнгги вақтларда маҳаллий нашрларда Ўзбекистоннинг марҳум президенти хотирасига машҳур кишиларнинг ёдномаларини чиқариш анъанаси кузатилмоқда. «Қишлоқ ҳаёти» газетаси (04.10) бу ...
7 июл 2016
«Ўзбекистон овози» газетаси Халқ демократик партияси етакчиси, партиянинг парламент қуйи палатасидаги фракцияси раҳбари Ҳотамжон Кетмоновнинг Бўз туманидаги сайловчилар билан ...
2 октябр 2018
Мажбурий ижро бюроси томонидан халқдан ундирилган триллионлаб сўм маблағнинг бир қисми аҳолининг зиммасига юкланган асоссиз қарздорлик бўлиши эҳтимоли жуда ...
7 сентябр 2017
Футбол мураббийси Самвел Бабаян, жаҳон чемпионатига чиқиш вазифасини уддалай олмагани ортидан истеъфога кетди. Ўзбекистон Футбол Федерацияси Самвел Бабаян миллий ...
Блоглар
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...
31 декабр 2018
Президент Мирзиёевнинг товуқ, эчки боқиб, лимон экиб даромад топиш популистик иқтисодий-сиёсати 2019 йил арафасига келиб ...
26 декабр 2018
Янги йил арафасида 9 яшар ўзбек қизи Мадина қорбобога хат ёзди. Нега лотиндамас, кириллда ёздинг, ...