Ойлиги берилмаган ғузорлик ишчилар қўзғолон кўтаришди

Қашқадарёнинг Ғузор туманида 21 октябрь куни ойлик маошлари берилмаганидан норози GTL ENTER ENGINEERING компанияси ишчилари ғалаён кўтаришди.

Ижтимоий тармоқларда тарқалган видеода каска кийган минглаб ишчи кўчага чиққани, корхонага қарашли ускуналарни синдираётгани акс этган. Хоналардаги жиҳозлар ҳам синдирилган. Қурилиш ширкати ўз ходимларига уч ойдан бери иш ҳақларини бермагани айтилади.

Қурилиш компаниясининг расмий сайтида «ENTER Engineering Pte.Ltd.» — нефт, газ ва қурилиш соҳасида Марказий Осиё ва Россия Федерациясида юксак даражада ривожланиб бораётган компания экани айтилади.

«ENTER Engineering»га 2012 йили асос солинган. Компания турли мураккабликдаги саноат ва технологик объектлар қурилишига ихтисослашган.

«Элтуз» воқеа тафсилотларини ўрганмоқда.

Eltuz.com