Асосий мавзулар
8 январ 2021

Олимпиадага кетаëтган шогирд ва устоз Қорақарға довонида ўлди

Навоийда фан олимпиадасига боришда автоҳалокатга учраган ўқувчи ва ўқитувчи 7 январь кунида ҳам жонлантириш бўлимида қолмоқда. Улар 5 январь куни аварияга учраган эди.

Ўша куни нуроталик ўқувчи ва ўқитувчиларни олиб йўлга чиққан “Нексия” русумли такси йўлда ҳалокатга учраши оқибатида бир ўқитувчи ва бир ўқувчи воқеа жойида ҳалок бўлган эди.

Машинада бўлган яна бир ўқитувчи ва ўқувчи шифохонанинг жонлантириш бўлимига ётқизилган, ҳайдовчининг ҳам аҳволи яхши эмас.

Навоий вилояти халқ таълими бошқармаси матбуот хизмати шифохонадаги ўқувчи ва ўқитувчи ҳолидан хабар олиб турилганини, олимпиада қолдирилгани, иссиқ кунда ўтказилиши мўлжалланганини маълум қилди.

Айтилишича, ҳайдовчи Қорақарға довонидан ўтаётганда тезликни оширгани сабабли машина йўлдан чиқиб кетгани оқибатида ўлган кимё фани ўқитувчиси 27 ёшда, ўқувчи эса 18 ёшда бўлган.

– Ҳар йили об-ҳаво ноқулай келган вақтда довон йўли ёпиларди, – дейди воқеани изоҳлаган Навоий вилояти ИИБ ЙХҲБ ходими. – Бу йил Янги йил байрами сабабли об-ҳаво ёмон келса ҳам довон ёпилмади. Автомашиналар эса узоқ, айланма хавфсиз йўлдан юрмагани натижасида шу ҳалокат рўй берган. 

Нурота тумани халқ таълими бўлими мудири Байрамали Бобомирзонинг айтишича, вафот этган қиз тумандаги 2-мактабнинг аълочи ўқувчиларидан бири бўлган. 27 ёшли кимё ўқитувчиси ҳам шу мактабда 4 йилдан буён дарс бериб келган.

“Элтуз” мухбирининг ўқувчилар фан олимпиадасига бошқарма томонидан назоратга олиниб олиб борилмайдими, деган саволига бўлим мудири “Шундай қилиш эсга келмабди”, дея жавоб берди.

Вилоят халқ таълими бошқармаси бошлиғи ўринбосари Дилшод Қодиров мактаб ўқитувчилари ва директорининг бу автоҳалокатда айби йўқлиги, уларга ўқувчиларни таксида олиб бориш кўрсатмаси туман халқ таълими бўлими мудири томонидан берилганини маълум қилди ва мудирга чора кўрилиши эҳтимоли борлигини билдирди.

Туман халқ таълими бўлими мудири “Элтуз” билан суҳбатда ўқувчилар Нуротага қайтариб олиб келингани, ўзи эса шифохонада ётган жабрланувчилар олдига қатнаш билан оввора эканини айтди.

Тағин ўқинг
26 октябр 2015
Самарқанднинг Ургут туманидаги мактаблардан бирида эса болаларини Ҳайит намозига олиб бормаслик ҳақида ота-оналардан тилхатлар олинган, талабни бузганлар 15 минимал ...
5 апрел 2015
Бизнинг ҳуқуқ ҳимоячиларимиз, мухолифатчилар ва оддий фуқаролар ҳам одатда ҳокимиятдан адолат ва ҳимоя издашади, – улар шунчаки ҳокимият йўқ ...
18 декабр 2023
Шундай қилиб X Factor нинг энг кучли учлиги маълум бўлди. 17 декабр куни финалистлар Ҳайринисо Акбарова, Жавлон Сафаев ва Шохруҳхон Ҳалимхоновлар ғолиблик ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга олишга боргани ҳақида ёзди: ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...