Асосий мавзулар
11 январ 2021

Хонгулни маоши камлар сўйиб едими?

Сурхондарёда ҳайвонот боғи ходимлари кийик гўштини Янги йил дастурхонига тортмоқчи бўлишгани борасидаги айбловларни Термиз шаҳри прокуратураси ўрганмоқда. 

Прокуратура “Элтуз” мухбирига Термиз шаҳридаги марказий ҳайвонот боғида кийиклар 2020 йил 27 декабрда сўйилиш оқибатида ўлганини маълум қилди. 

Ҳайвонот боғи директори Шуҳрат Шайдуллаев “Элтуз” билан суҳбатда бу воқеа юз берганида меҳнат таътилида бўлгани, ишни ўрганиш учун шаҳар прокуратурасига ўзи ташаббус билан чиққанини билдирди.

– Аввал ҳайвонот боғимизда бундай воқеа кузатилмаган, – деди Шуҳрат Шайдуллаев. – Айбдорлар жазосини олади. Мен ходимларимни айбламоқчи эмасман. Уларнинг айтишича, кийиклар бош қисмидан жароҳат еган ва ўлган. Сўнг уларни йиртқич ҳайвонларга бериш мақсадида сўйишган. 

Ижтимоий тармоқларда тарқалган иддаоларга кўра, блогер ва ҳайвонот боғи атрофида истиқомат қилувчи аҳолидан боғ раҳбарияти ортиқча овоза қилмасликни ва келишишни сўраган.

Аммо ҳайвонот боғи ҳисобчиси Ҳусан Ҳайитов бу иддаоларни рад этар экан, ҳозир воқеани экспертлар ўрганаётгани ва вазиятга тўлиқ баҳо берилишини маълум қилди.

Нобуд бўлган жонзотлар хонгул кийиги бўлиб, Ўзбекистонда ноёб ҳайвонлардан ҳисобланади. У “Қизил китоб”га киритилган. Кўпайиши қийин, териси майин ва кўзлари чиройли бўлгани учун ҳам бошқа кийик турларига нисбатан ноёбдир. Танасида оқ доғлари бўлади. 

Термиз шаҳридаги ҳайвонот боғида 150 га яқин ҳайвон мавжуд бўлиб, уларнинг 30  таси ноёб саналади.

Ноябрь ойида ижтимоий тармоқларда Навоий шаҳридаги ҳайвонот боғининг ҳам ноёб ҳайвонлари ўлгани ҳақида хабар тарқалган энди. Мутасаддилар бу воқеа қаровсизлик натижасида рўй бергани, маош камлиги сабаб ишчиларнинг аксарияти ишдан бўшаб кетгани билан изоҳлаган эди.

Тағин ўқинг
21 феврал 2020
Карамзин деган рус ëзувчидан «Россия амалдорлари нима қиляпти?» деб сўрашса, «Ўғирлаяпти», деганди. Мендан ўзбек амалдорлари нима қиляпти, деб сўрасангиз, “ўғирлаяпти ...
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш масаласи «ижобий ҳал бўлаётгани» ...
6 март 2018
Чорак асрдан буён пахтачилик ва саноатнинг у билан боғлиқ тармоқлари ривожланмайди. Чунки пахтанинг асосий қисми кимларнингдир орқасига қўйишга ишлатилиб ...
21 декабр 2018
Ўзбек маданияти, санъати ва адабиётининг таназзулини бошдан кечиряпмиз. Кенг тафаккурли, истеъдодли ижодкорлар ё ватанни тарк этишди, ё қамоққа олинди, ...
Блоглар
23 ноябр 2021
Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз ...
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим ...
11 ноябр 2021
Халқаро журналист «Агнешкахон воқеаси» кўп саволларга жавобларни очиб берди. Келинглар, жонажон аккредитациядан бошлаймиз. Айнан уларни ...