Бошқа мақолалар
29 октябр 2018

«Америка овози» мухбири Истанбулда қамоққа олинди

Сўнгги олинган хабарга кўра, «Америка овози» радиосининг Истанбулда ҳибсга олинган, Малик Мансур тахаллуси остида ишлайдиган 49 ёшли мухбири Абдумалик Бобоев  29 октябрь куни Чоғлоëн тумани судига келтирилди.

Малик Мансур Туркияда истиқомат қилаётган 300 мингдан зиёд Ўзбекистон ватандоши ҳаётидан репортажлар тайёрлаётган эди.

Журналист яқинларининг «Элтуз»га айтишича, у Саудия Арабистонининг Истанбулдаги консулхонаси олдида ўтаëтган намойишни видеотасвирга олаëтган пайтда 28 октябрь куни ушланган.

«Туркиядаги “Ўзбеклар” ташкилоти раҳбари Одам Чевик Саудия консулхонаси биносида «Вашингтон пост» журналисти Жамол Қошиқчи ўлдирилганини қоралаб нутқ сўзлаганида полиция келди. Одам Чевикни ҳам, уни видеога олган Малик Мансурни ҳам қўлига кишан солиб олиб кетишди», дейди журналистнинг Истанбулдаги яқинларидан бири.

«Элтуз»нинг ўрганишича, Малик Мансур “изн берилмаган митинг иштирокчиси сифатида ҳибсга олиниб, Леванд тергов бўлимида (Levent karakolu) сўроқ қилиниб, айни бўлим ҳибсхонасига қамаб қўйилган.

Бундан сал илгари «Элтуз» ҳуқуқбузар сифатида айбланаётган журналистнинг суд жараёни 29 октябрнинг биринчи ярмида Истанбул шаҳри Чоғлоëн (Çağlayan adliyasi) адлия биносида бўлиши режалангани ҳақидаги хабарни олган эди.

“Америка овози” радиосининг ўзбек хизматида 2002 йилдан буён жамоатчи мухбир бўлиб ишлаб келган Малик Мансур 2011 йилнинг февралида «ўзбек халқига туҳмат қилганлик»да айбланиб, устидан жиноят иши қўзғатилгани ортидан Ўзбекистонни тарк этиб, Германиядан сиёсий бошпана олишга мажбур бўлган эди.

Eltuz.com

Тағин ўқинг
14 феврал 2019
Ўзбекистоннинг биринчи президенти марҳум Ислом Каримовнинг тўнғич қизи Гулнора Каримованинг ўғли Ислом Каримов Instagram саҳифасида онасига босим ўтказилаётгани, шифокорлар ...
23 март 2023
2015 йилнинг 23 мартида Сингапурнинг давлат бошқарувининг коррупциядан холи шаклини яратган лидери Ли Куан Ю 92 ёшида вафот этди. ...
1 июл 2019
Шу кунларда Андижон вилояти ҳокими Шуҳрат Абдураҳмоновнинг республика даражасидаги раҳбарлардан тортиб маҳаллий амалдорларгача шалтағини чиқариб сўккани можароси ОАВлару ижтимоий ...
14 март 2017
Ўзбекистонда шу кунларда ҳам нотаруисларнинг ошиғи олчи. Мамлакатдаги энг даромадли касблардан бири нотариус. Шу пайтгача уларнинг қирғирликлари ҳақида деярли ...
Блоглар
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...