Document UZ
15 феврал 2021

Президент куёви: автоҳалокат хроникаси

Ўзбекистон президентининг кенжа куëви Отабек Умаров 13 февраль соат 18лар атрофида Тошкент марказидаги кўчада йўл-транспорт ҳодисасига учради.

Президент давлат хавфсизлик хизмати (ПДДХ) раҳбари ўринбосари бўлган Отабек Умаров аварияга учрагани ҳақида ҳозирга қадар расмий манбалар лом-мим дегани йўқ.

13 февраль куни кечки пайт халқ орасида “Президент трассаси” номини олган Тошкентнинг Пушкин метро станцияси яқинида катта тезликда кетаëтган мотоцикль ва енгил машина ўртасида хавфли ҳолат юз берган.

Мотоциклда бўлган Отабек Умаров енгил автомобилга чап бериш учун рулни буради ва йўл четидаги бетон бордюрга зарб билан урилади.

Бу ҳодиса йўл-патруль хизмати томонидан қайдга олингани йўқ.

Аварияда Умаровнинг ўнг оёғи бир неча жойидан синган, чап оёғи суяклари қаттиқ зарба оқибатида майдаланиб кетган.

Умаров халқ орасида 16-горбольница деб аталадиган Республика шошилинч тиббий ёрдам кўрсатиш илмий марказига 13 февраль куни соат 19лар атрофида олиб келинган.

Касалхонадаги шифокорнинг айтишича, Отабек Умаров қарийб олти соат оперция қилинган.

Умаров оëқларига “Илизаров темирлари” ўрнатилган.

Совет жарроҳи Гавриил Илизааров ихтиро қилган бу мослама асосан оëқлардаги суяклар авария оқибатида синиб парчаланиб кетган пайтда қўлланилади.

Якшанба куни, яъни ҳодисанинг эртаси куни кундузги 12дан ўтганда Тошкент аэропортига Германиянинг Нюрнберг шаҳридан махсус жиҳозланган тиббиëт самолёти келиб қўнган.

Тармоқларда кенг тарқалган “Куëвнинг мияси лат ебди”, деган иддао ўз тасдиғини топмади.

14 февраль куннинг иккинчи ярмида Умаров ўзига келиб яқинлари билан гаплашган.

«Элтуз» воқеалар ривожини кузатишда давом этмоқда. 

Eltuz.com

Тағин ўқинг
5 январ 2018
Ҳориждаги ўзбек мигрантлари ва фаоллари президент чақириқларидан руҳланиб, ватанга қайтишни ўйлашмоқда, Ўзбекистондаги реал вазият эса бошқача. “Чет эллардаги ватандошларимиз ...
1 январ 2024
Элтузнинг Ютубдаги канали орқали ўтган йил давомида энг кўп томошабинлар эътиборини тортган видеолар ўнталигини тақдим этади. Эслатиб ўтамиз, улар Ютуб статистикаси ёрдамида танланди ва у ердаги устивор мавзу жиноят оламига экани ойдин бўлди. Холбуки Элтузнинг ўтган йилги сўровларида Элтуз мухлислари кўпроқ давлат сиёсати, маданият ва санъатга оид кўрсатувлари томоша қилиш истагини билдиришган эди. ...
7 май 2018
«Агар ҳозирги оталарнинг қўрқоқлиги эҳтиёткорлик деб аталса, албатта, шундай вақт келади, болаларнинг қуллиги садоқат деб аталади». Чеченистоннинг биринчи президенти, ...
9 июн 2017
Чала битказиб топширилаётган, президент буйруғи билан қурилаётган «Намунали уйлар» ҳақида кўп айтилди. Чунончи, бу биноларга ишлатиладиган эшик ойналарнинг ўғирлаб йўқ ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...