Document UZ
1 октябр 2015

Хоразмлик милиционерлар Малохат Эшонқулова ва Елена Урлаеваларни таҳқирли тарзда тинтув қилишди

29 сентябр куни ўзбек ҳуқуқ ҳимоячилари Елена Урлаева ва Малохат Эшонқуловалар Хоразм вилоят Хазорасп ТИИБ милиционерлари томонидан ушланган ва кўп соат давомида узлуксиз тергов қилиниб, таҳқирли тарзда тинтув қилинишган. Уларни ушлаш сабаби ўқувчилар, талабалар ва вилоятнинг турли муассасалари ходимларини пахта теримига мажбурланаётгани ҳақида йиққан ахборотлари бўлган.

Ҳуқуқ ҳимоячиларини гўёки ҳавфли жиноятчилар мисоли ҳибсга олишган, уларга қарши куч ишлатишган, қўлларини қайиришган, гарчи бу икки заиф аёл уларга ҳеч бир қаршилик кўрсатмаган. Малохат ва Еленани Хазорасп туман ИИБ келтиришган, уларни алоҳида хоналарга жойлаштириб яланғоч қилиб ечинтириб тинтув қилишган.

Милиционерлар аёлларнинг ички аъзоларини текшириш, у ерга гўё флешкарта яширилган деган гумон билан гинеколог чақиришган. Малохат Эшонқулова гинекологдан уларни ҳеч бўлмаса маҳаллий поликлиникага олиб боришларини, текширув тозароқ жойда ўтказилишини илтимос қилган. Гинеколог унинг талабини рад қилган ва ўзи билан олиб келган гинекологик асбоблари билан тўғри столнинг устида текширув ўтказган.

Бошқа хонада бўлган Елена Урлаева эса қуйидагиларни билдиради:
“Мени ҳам аввалига қип-яланғоч қилиб ечинтиришди, кейин гинекологик прибор билан флешкани қидиришди, кейин қўлларига қўлқоп кийиб қидириб кўришди. Менинг қон босимим ошиб кетди, кейин тез ёрдам чақиришди, қандайдир укол қилишди. Қандайлигини билмайман, бироқ милиционерлар шифокорларга каламуш дори уришни маслаҳат беришди. Уколдан кейин сал ўзимга келдим. Мен флешка учун қайғурдим, бизда ҳамма далиллар бор эдии, бироқ менинг ҳамма нарсамни йўқ қилишди..”.

Елена Урлаева ва Малохат Эшонқулова 14-соатлик ҳибсдан сўнг озод этилди.

Ҳуқуқ ҳимоячилари суҳбатлашишга муваффақ бўлган маҳаллий фуқароларнинг сўзларига кўра, фуқароларни пахтага мажбурланиши Хазорасп тумани ҳокими Ўктам Қурбонов буйруғига кўра амалга оширилмоқда.

Ўзбекистонда ҳокимият тўла марказлашгани эътиборга олинса, ҳоким Ўктам Қурбонов одамларни пахта теримига мажбурлар, аниқроғи жиноят содир этаркан, Тошкентнинг буйруғини бажаради.
Ҳуқуқ ҳимоячилари томонидан йиғилган ахборотлар ушбу сайтда эълон қилинади.

www.eltuz.com

Тағин ўқинг
4 январ 2017
Ўзбек тили давлат мақоми олганидан 27 йил ўтиб ҳам, идора ва ширкат номлари рус тилида қолаётгани ажабланарли. Бундан ҳам ...
15 март 2016
Туркия Президенти Ражаб Тойиб Эрдўғон камида 34 кишининг умрига нуқта қўйган Анқара портлашларидан сўнг «терроризмни тиз чўктириш»га ваъда берган ...
23 март 2017
Россиялик машҳур хонанда Борис Гребеншиков яқинда қамоқдан чиққан журналист, Муҳаммад Бекжонга мактуб йўллади. Элтуз мухбири билан суҳбатда собиқ сиëсий ...
31 август 2016
Фарғона вилоятининг Учкўприк туманида Ўзбекистон мустақиллигининг 25 йиллиги муносабати билан пенсионерларга пенсия пулларини бериш учун мактаб директорларига “Агробанк»ка 100 ...
Блоглар
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...
7 июн 2022
(Таниқли шоир ва сиёсатчи Муҳаммад Солиҳнинг “Императив” китобидан 54-қисм. Аудиокитоб матнини муаллифнинг ўзи ўқиган) АМАЛ ...