Cатира
31 январ 2018

Швед прокурори: 5 кишини ўлдирган Оқилов умрбод қамалсин

Стокгольм марказида террор ҳужуми уюштирганликда айбланаётган 39 ёшли Раҳмат Оқиловга швед прокурори умрбод қамоқ жазоси берилишини сўради.

Бу ҳақда ўзбек террорчиси терговига оид матбуот анжуманида прокурор Ҳанс Иҳрман (Hans Ihrman) маълум қилди.

Оқиловнинг ҳимоячиси Йохан Эрикссон (Johan Eriksson)дан иқтибос келтириб, Швециянинг “Экспрессен” нашри айбланувчининг ўз жиноятига иқрорлиги, бироқ уни умрбод жазога ҳукм этишларини истамаслигини билдирганини ёзди.

Адвокат Эрикссоннинг сўзларига кўра, Оқилов уни отиб ташлашлари ёки юк машинаси ҳалокатида ўлишини режалаган.

Стокгольм марказидаги Дроттнинггатанга ҳужумидан олдин шерикларига жўнатган СМСларидан бирида Оқилов: «Мен шаҳар марказига катта машинада чиқиб, одамларни бостираман. Кейин эса полиция мени отиб ташлайди ва тамом», дея ёзган.

Пиво тарқатишга мўлжалланган автомобилни олиб қочиб, одамлар устига ҳайдаган пайти унинг юк халтасида 5 та қўлбола бомба бўлган.

Матбуот анжуманида бутан гази ёрдамида ишлайдиган ушбу бомбалар михлар ва ўткир тиғли металл парчалари билан тўлдирилганлиги айтилди.

«Ўлдириш вақти келди!»

Тергов маълумотларига кўра, Оқилов Швецияда террор актини уюштиришга бир неча ой давомида тайёргарлик кўрган.

Прокурор Ҳанс Иҳрман матбуот анжуманида Оқиловнинг ҳужум қилиш учун 7 апрель жума кунини бекорга танламагани, айни шу куни шаҳар маркази гавжум бўлишини билдиради. Жумладан, бу ҳолат Оқиловнинг чат ёзишмаларида ҳам ўз аксини топган.

“Ўлдириш вақти келди”, дейди Оқилов шерикларига ёзган ўз СМСларидан бирида.

Стокгольмда ўтган матбуот анжуманида Оқиловнинг ҳужумдан мақсади ИШИД (Ироқ ва Шом ислом давлати) экстремистик гуруҳига қарши коалицияга кирган швед мамлакатига зарар етказиш бўлгани таъкидланди.

«Ёмон, бир нечтасинигина босдим, холос. Машина бошқа жойга кириб кетди. Ҳозир аэропортдаман. Тупик», дея ёзишга ҳам улгурган эди ҳужумдан сўнг Оқилов телеграм чатида.

Матбуот анжуманида, шунингдек, полиция ва швед махфий хизмати (Säpo) Оқилов тергови юзасидан 9000 саҳифа материал тўплангани, шунинг 600 саҳифаси Оқиловнинг ўзидан олинган сўроққа оид экани билдирилди.

Асли самарқандлик бўлган Раҳмат Оқилов ўтган йилнинг 7 апрелида одамларни юк машинасига бостириши оқибатида беш киши, жумладан, 11 яшар қизалоқ ҳалок бўлган, 15 одам жароҳатланган эди.

Eltuz.com

Тағин ўқинг
20 сентябр 2018
Алишер Навоий номидаги Ўзбекистон миллий кутубхонасида 25 сентябрга режаланган Рауф Парфининг 75 йиллиги тадбирининг тақиқланиши ортидан фейсбук ижтимоий тармоғида ...
18 апрел 2017
Даврий нашрларга обуна ихтиёрий экани айтиб келинадиган Ўзбекистонда чиқадиган газеталардаги мақолалардан аслида бунинг акси экани кўринади. Айни муаммо Жиззах ...
6 ноябр 2017
Андижон шаҳридаги 3-мактабгача таълим муассасаси тарбиячиси Илвира Пидаевна пахта йиғим-терими вақтида нафас қисишидан вафот этди. Ҳамкасбларининг айтишича, Илвира мазкур ...
19 март 2019
Майли, бошлаб қўйдим энди, мен ҳам хайпни давом эттирай. Қозоқларда уруғчилик тизими бугунги кунга қадар яхши сақланиб қолган. Уруғ ...
Блоглар
20 январ 2020
Ўзбекистонда Олий Мажлис Сенатига сайланганларнинг аксарияти, тўғрироқ айтганда, асосий ролдагилар яна ўша эски амалдорларнинг ўзларидир. ...
16 январ 2020
Ўзбекистон адлия вазири Русланбек Давлетов шу йилнинг 10 январь куни “Эрк” демократик партияси бош котиби ...
9 январ 2020
Евро-Осиё Иқтисодий Иттифоқига кириш-кирмаслик масаласи бўйича Ўзбекистонда бошланган қизғин муҳокамалардан четда тура олмаяпман. Виждоним йўл ...