Диссидент ёзувчи билан «Гурунг» эркинлик аломатими?

Таниқли ўзбек диссидент адиби, 67 яшар Мамадали Маҳмудов 13 ноябрь куни Ўзбекистон Миллий ахборот агентлиги – ЎзАнинг «Гурунг» лойиҳаси илк меҳмони бўлди.

Ёзувчининг таъкидича, сўнгги бор у расмий матбуотда 27 йил бурун чиқишлар қилган.

Гарчи бу суҳбат ёзувчига нисбатан тақиқларнинг олиб ташланиши аломати бўлса-да, ёзувчининг оғир қисмати ҳақида кўрсатувда деярли ҳеч нарса дейилмайди.

Мамадали Маҳмудов 1999 йилнинг августида «жиноий уюшма»га аъзолиги ва Ўзбекистон президенти Ислом Каримовни ҳақорат қилгани ҳақидаги уйдирилган айбномалар билан қамалди.

Қамоққа олингунига қадар у Ўзбекистон Маданият жамғармаси раиси лавозимида бўлган.

Ёзувчи «Эрк» партияси раиси Муҳаммад Солиҳнинг дўсти бўлгани учун унга қасд қилиб қамоққа олишгани ва тергов пайтида унга қийноқлар қўлланилганини айтиб келади.

17 йил қамоқда бўлган ёзувчи Мамадали Маҳмудов 2013 йилнинг 19 апрелида озод этилган эди.

Eltuz.com