Асосий мавзулар
3 август 2023

Собиқ мактаб директори: Милтиқ бўлса, отиб ташланг!

Элтузга обуначилардан бири Сурхондарё вилояти ҳокими Улуғбек Қосимов ва Сурхандарё вилояти Сариосиё туманидаги 28-мактабнинг собиқ директори Умида Турсунова ўртасида бўлиб ўтган даҳанаки тортишув тасвирланган видеони йўллади.
Элтуз манбасига кўра, видоеода ўтган ҳафта охирида бўлиб ўтгани айтилаётган селектр тасвирланган.
Ундан Улуғбек Қосимовнинг Умида Турсуновани 28 мактабдаги иш муҳитини бузишда айблагани англашилади.
Вилоят ҳокими Умида Турсуновага қарата “бутун дунёга шарманда қилдингиз” дейди.
Бунга жавобан Умида Турсунова вилоят ҳокимига асл воқеликдан хабардор эмаслигини айтади.
Улуғбек Қосимов эса 28 мактабга директор бўлишга Умида Турсунованинг ҳаққи йўқлигини айтади.
Ўз навбатида мактаб директори вилоят ҳокимига “милтиқ бўлса, отиб ташланг,” дея эътироз билдиради.
Даҳанаки тортишув сўнгида Умида Турсунова ички ишлар органлари ҳамроҳлигида мажлис залидан олиб чиқилади. Чиқиб кетаркан у вилоят ҳокимига қарата: «Ҳайф сизга вилоят ҳокими!» дея хитоб қилади.
Умида Турсунова ўтган йили Ўзбекистон жамоатчилиги эътиборига тушган эди.
Сариосиё туманида 28-мактабнинг ўқитувчи-ходимлари ва директор ўртасида жанжал акс этган видео ижтимоий тармоқларда кенг муҳокамаларни уйғотди.
Ўшанда мактабдаги айрим ўқитувчилар Ўзбекистон раҳбариятига очиқ мурожаат билан чиқиб, Умида Турсуновани ишдан бўшатишни талаб қилгандилар.
Кўп ўтмай Сурхондарё вилояти халқ таълими бошқармаси Умида Турсунованинг вазифасидан озод этилганини маълум қилди.
Улуғбек Қосимов ва Умида Турсунова ўртасидаги тортишув афта ўша жанжалнинг давомидек кўринмоқда.
Собиқ мактаб директорининг тақдири ҳозирда Элтузга аниқ маълум эмас.
Аммо, тасдиқланмаган маълумотларга кўра, мазкур селектр йиғилишидан кейин Умида Турсунова ҳибсга олинган ва у мактабга директорлик қилган давр қайта текширувдан ўтказилмоқда.

Eltuz.com

Тағин ўқинг
19 феврал 2020
Қуйидаги мақола telegra.ph сайтида эълон қилинган. “Элтуз” бу мақола таржимасини эътиборингизга ҳавола этмоқда. Иддао ва тахминлар устига қурилган бу ...
7 ноябр 2023
Салом қадрли мухлислар, кўрсатувларимизни Элтуз порталига келган сўнгги бешта мактубни ўқиш билан давом эттирамиз. Улар Ўзбекистоннинг Қашқадарё, Тошкент, Жиззах, ...
12 декабр 2017
Президент Мирзиёев 7 декабрь кунги нутқида Халқ қабулхоналарига бир йил ичида бир ярим миллион шикоят тушганини билдирди. Шикоятларнинг энг ...
18 декабр 2017
«Пахтага борасан, дейишди. Агар бормасанг, аризангни ёз ёки ўрнингга одам жўнат, дейишди. Ўзимизнинг ишимиз қолиб, бир ойдан кўп пахта ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...