Асосий мавзулар
16 декабр 2016

Каримов ўлимидан кейин ҳам ўзгармаган зеҳният

Конституцияда президент фақат икки марта сайланиш ҳуқуқига эга экани белгиланганига қарамай, Ўзбекистоннинг марҳум раҳбари 25 йил давомида лавозимидан кетмай, фақат мансабидан ўлиб қутулгани ортидан ҳам бир анъана ўзгармади.

Ўзбекистон нашрлари халқаро протокол талабига кўра, дунё мамлакатлари ва йирик компаниялар раҳбарлари номидан янги сайлаган президент номига йўлланган табрикларни саҳифалаб чоп этишни давом эттирмоқда.

Тузум мафкурачилари ҳисоб-китобни тўғри олган. Матбуотда бу табрикларни ўқиган 10 та одамдан тўққизтаси, албатта, дунё раҳбарлари Ўзбекистоннинг янги етакчиси ҳурматига шундай нома йўллаган, деб ишонади. Чунки улар йиллар давомида сиёсатга аралаштирилмаган. Фақат мафкура таъсирида фикри шаклланган, холос.

«Халқ сўзи» (14.12) ҳам ана шундай ўнлаб табрикларни деярли бир саҳифага жойлаб, мафкурабошиларнинг талабларини қондирди.

Шунингдек, газетада депутат ва сенаторнинг Сенатнинг куни-кеча бўлиб ўтган мажлисида кўрилган масалаларга оид фикр-мулоҳазалари эълон қилинди.

Қандай масалалар кўриб чиқилгани ҳақида гапириш ортиқча бизнингча. Чунки фикр билдирувчилар уларнинг барчаси тўғрисида фақат ижобий гапирган. Зеро, Ўзбекистон шароитида бошқача бўлиши мумкин ҳам эмас.

Хусусан, «Коррупцияга қарши курашиш тўғрисида»ги қонун юзасидан фикр билдирган депутат унинг қанчалик оламшумуллигини айтган, аммо мамлакатдаги бутун тузум шу иллат ботқоғига ботгани, ундан осон чиқиш мумкин эмаслиги ҳақида гапиришни «эсдан чиқариб қўйган».

Сенаторлар эса сайланган президентнинг Конституция кунидаги маърузасини «концептуал» дея баҳолаб, унинг инсон ҳуқуқлари, демократияни қарор топтиришдаги аҳамияти ҳақида оғиз кўпиртириб гапирган.

Муштарийларимизга бир бошқотирмани ечишни тавсия этмоқчимиз: шу кунларда айтилаётган фикрларнинг марҳум президент даврида ва бугунги давлат раҳбари амалга киришган кунлардаги мулоҳазалардан фарқи нимада?

Баҳодир Шариф

Ўзбекистонлик газетхон таҳаллуси
Eltuz.com

Тағин ўқинг
18 май 2024
Элтузга йўлланган cўнгги 5 та мактуб Ўзбекистоннинг Тошкент, Андижон, Бухоро ва Қашқадарё вилоятларидан келган. Хатлар оқими ҳамон давом этмоқда, муаммолар ечимини таъминлаш, шунингдек каналимизнинг алоҳида саҳифасига кириб приватга ўтказилган видеоларни  кўриш учун Элтуз каналига обуна бўлиш, лайк босишканални қўллаб қувватлаш тавсия қилинади ва биз хатларни ўқишда давом этамиз. Дастлабки видеомурожаат Тошкент вилоятининг Чиноз шаҳридан. Шаҳар маркази чиқиндизорга айлантирилмоқда. +++ ...
26 декабр 2019
«Эрк» демократик партияси лидери Муҳаммад Солиҳ “Бегона” фильмининг 10-қисмида 1991 йилнинг августида содир бўлган воқеалар, ГКЧП ва унинг Каримов ...
15 июн 2016
Ифтор ва саҳарлик пайти чироқнинг ўчириб қўйилиши фарғоналикларга айниқса малол келмоқда. Фарғона вилоятининг аксарият туманларида чироқнинг тартибсиз узилишлари ёзда ...
5 январ 2017
Биз 2016 йил давомида ўзбек матбуотини имкон қадар кузатиб боришга ҳаракат қилдик. Мазкур кузатишларимиз асосида матбуотимизнинг ўтган йилги фаолиятини ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...